„ჯერჯერობით ვერ ვხედავთ დაავადების მიმდინარეობისას გამწვავებას ან კლინიკურ სურათს, მაგრამ კვლევა მიმდინარეობს. არ ველოდებით, რომ ეს რაიმე სახის გავლენას მოახდენს ვაქცინაზე ან ვაქცინაციაზე. როგორც კი გვეცოდინება უფრო მეტი რამ ვირუსის ახალი სახეობის შესახებ, აუცილებლად გავაკეთებთ განცხადებას“, – აღნიშნა მარია ვან კერკოვმა.

ჯანდაცვის მსოფლიო ორგანიზაციაში აცხადებენ, რომ ვირუსის ახალი სახეობის შესწავლა აქტიურად მიმდინარეობს. ორგანიზაციის წარმოადგენლები ბრიტანელ მეცნიერებთან ერთად მუშაობენ.

ბრიტანეთში, „კოვიდ-19“-ის ახალი სახეობა რამდენიმე დღის წინ დაფიქსირდა. ამის გამო, ქვეყნების უმეტესებამ დიდ ბრიტანეთთან ავიამიმოსვლა შეაჩერა.