ენტონი ფაუჩის თქმით, ამ დროისთვის ე.წ. "კოლექტიურ იმუნიტეტზე" საუბარი ნაადრევია, ვინაიდან ინფიცირებულთა რაოდენობა ვაქცინირებულთა რიცხვს გაცილებით აღემატება.

ინფექციონისტმა კორონავირუსის მუტაციებთან დაკავშირებულ საფრთხეებზეც ისაუბრა.

”მუტაციებს თვალი უნდა გავუსწოროთ. თუ ისინი დომინანტები გახდებიან, ამან შესაძლოა კიდევ ერთი ტალღა გამოიწვიოს", - აღნიშნა ფაუჩიმ.

ვაქცინირებულთა მაჩვენებლით მსოფლიოში პირველ ადგილს აშშ იკავებს, სადაც კორონავირუსზე 38.4 მილიონზე მეტი ადამიანი აიცრა. 

აშშ-ში კორონავირუსით სულ 27.4 მილიონზე მეტი ადამიანი დაინფიცირდა, გარდაცვლილთა რაოდენობა კი 470 705-ს აჭარბებს.