„კოვიდ-19“-ის შეზღუდვების გამო, რუსი დიპლომატები ჩრდილოეთ კორეას სარკინიგზო ურიკებით ტოვებენ. ინფორმაციას „ბიბისი“ ავრცელებს.

კორონავირუსული ინფექციის შეკავების მიზნით, ჩრდილოეთ კორეის ხელისუფლებამ სამგზავრო ტრანსპორტის გადაადგილება დაბლოკა.

ფხენიანში აცხადებენ, რომ ქვეყანაში „კოვიდ-19“-ის ოფიციალურად დადასტურებული არც ერთი შემთხვევა არ არის, რასაც დასავლური მედია სადავოდ მიიჩნევს. გასული წლის დასაწყისიდან მატარებლებს ქვეყანაში შესვლა და გასვლა ეკრძალებათ. შეჩერებულია საერთაშორისო სამგზავრო ფრენების უმრავლესობაც.

ვირუსის ნებისმიერი შესაძლო გადაცემის დაბლოკვის მიზნით, ჩრდილოეთ კორეამ სასაზღვრო რაიონებში ჯარის დამატებითი ნაწილები გაგზავნა.