ლუკაშენკომ ხელი მოაწერა განკარგულებას, რომელიც მისი სიკვდილის შემთხვევაში ძალაუფლების გადაცემას ითვალისწინებს
ბელარუსის პრეზიდენტმა, ალექსანდრ ლუკაშენკომ ხელი მოაწერა განკარგულებას, რომელიც მისი გარდაცვალების შემთხვევაში ძალაუფლების უშიშროების საბჭოსთვის გადაცემას ითვალისწინებს.
ამის შესახებ ადგილობრივი გამოცემა TUT.by იუწყება.
დოკუმენტის თანახმად, მკვლელობის მცდელობის, ტერორისტული აქტის, გარე აგრესიის ან სხვა ძალადობრივი ქმედებების შედეგად, ქვეყნის პრეზიდენტის გარდაცვალების შემთხვევაში, ყველა სახელმწიფო ორგანო და მათი თანამდებობის პირები უშიშროების საბჭოს დაემორჩილებიან. საბჭო სხდომებს კი პრემიერ-მინისტრი უხელმძღვანელებს.
ამავდროულად, ქვეყნის მეთაურის მკვლელობის შემთხვევაში, დაუყოვნებლივ საგანგებო ან საომარი მდგომარეობა გამოცხადდება, ხოლო ღონისძიებების ჩამონათვალს უშიშროების საბჭო დაადგენს. საბჭოს გადაწყვეტილებები სავალდებულოა ყველასთვის და ექვემდებარება უპირობო შესრულებას.
არჩევნების ჩატარების საკითხს ასევე უშიშროების საბჭო გადაწყვეტს.
სიახლეები
- ,,სააკაშვილის ფაქტორის ექსპლოატაციის გარდა, დიდი ხანია „ნაცმოძრაობამ“ არაფერი იცის, არც გაუკეთებია და არც შეუძლია"- ნიკა გვარამია
- ,,მიშა არა მხოლოდ სუსტი, არამედ გაფარჩაკებული ნარცისია"- თამარ ჩერგოლეიშვილი
- ,,საქართველოში ყველა იძულებით გადაადგილებულ პირს, ლტოლვილსა და მათ შთამომავალს აქვს უფლება დაუბრუნდეს საკუთარ სახლს"-ანალენა ბერბოკი
- ,,მადლობას ვუხდით ყველა სახელმწიფოს, რომელიც დადგა საქართველოს გვერდით და მხარი დაუჭირა დევნილთა უსაფრთხო, ღირსეული და შეუფერხებელი დაბრუნების უფლებას"- მაკა ბოჭორიშვილი
- გაერო-ს გენერალურმა ასამბლეამ „აფხაზეთიდან, საქართველო და ცხინვალის რეგიონიდან/სამხრეთ ოსეთი, საქართველო იძულებით გადაადგილებულ პირთა და ლტოლვილთა სტატუსის შესახებ“ რეზოლუცია მიიღო