„ალექსანდრე ლუკაშენკომ თავისი კონფლიქტი დასავლეთთან გაამწვავა და ახლა მხარდაჭერას მოსკოვში ეძებს, ვლადიმერ პუტინს კი ახლა, როცა იგი თავის ამერიკელ კოლეგას - ჯო ბაიდენს უნდა შეხვდეს, დასავლეთთან კონფრონტაცია არ სჭირდება.

მართალია, ლუკაშენკოც და პუტინსაც - ორივეს დასავლეთი, რბილად რომ ვთქვათ, არ მოსწონთ, მაგრამ მათი ინტერესები ერთმანეთისაგან მაინც განსხვავდება. „ბაცკა“ ქვეყანას რკინის მარწუხებში“ ჰყავს მოქცეული და თავის გადარჩენას ცდილობს, პუტინს კი ბელარუსის მიმართ რუსეთის გავლენის გაფართოება სურს, რაც ლუკაშენკოს დასუსტებას გულისხმობს.

„ახლა, ივნისში დაგეგმილი სამიტის წინ, პუტინის წინაშე დგება საკითხი - რა მოცულობის პოლიტიკური კაპიტალი უნდა დახარჯოს მან ლუკაშენკოს მხარდასაჭერად, რომელმაც თვითმფრინავის გატაცებით კრემლს მდგომარეობა გაურთულა დასავლეთთან ურთიერთობის აწყობის საქმეში?

როგორც „ნიუ-იორკ თაიმსის“ ჟურნალისტთან ანტონ ტროიანოვსკისთან რუსეთის საერთაშორისო საქმეთა საბჭოს ხელმძღვანელი ანდრეი კორტუნოვი ამბობს, ვლადიმერ პუტინს დღეს ამერიკასთან და დასავლეთთან შექმნილი დაძაბული დამოკიდებულების განმუხტვა სჭირდება - კერძოდ იმიტომ, რომ რუსეთის მოსახლეობის უმეტესობას უკვე აღარ ხიბლავს პრეზიდენტის საგარეოპოლიტიკური ავანტიურები, რუსეთის მოქალაქეებს უფრო ეკონომიკის სტაგნაცია ადარდებთ.

წყაროები:

https://www.bbc.com/russian/news-57264025

https://www.nytimes.com/2021/05/26/world/europe/putin-lukashenko-belarus-ryanair.html

მოამზადა - სიმონ კილაძემ