BBC-ის ეთერში კითხვაზე, გამორიცხავს თუ არა ნატოს ჯარების უკრაინაში შეყვანას, თუ რუსეთი შეიჭრება, სტოლტენბერგმა უპასუხა:

„ჩვენ არ ვგეგმავთ ნატოს სამხედრო ძალების განთავსებას უკრაინაში... ჩვენ ფოკუსირებული ვართ მხარდაჭერაზე“.

მისივე თქმით, "არსებობს განსხვავება ნატოს წევრობასა და უკრაინის მსგავს ახლო და ძვირფას პარტნიორს შორის“.

ნატო-ს გენმდივნის თქმით, ნატო-ს მოკავშირეები უზრუნველყოფენ აღჭურვილობას, იარაღს, მაგალითად დიდმა ბრიტანეთმა მიაწოდა ტანკსაწინააღმდეგო იარაღი და ნატო ბევრს აკეთებს უკრაინის შესაძლებლობების გასაძლიერებლად, რათა მან თავი დაიცვას.