"ის, რასაც ახლა ვხედავთ, არის ახალი რეალობა, ახალი ნორმა ევროპული უსაფრთხოებისთვის. ამიტომ, ვთხოვეთ ჩვენს სამხედრო მეთაურებს შემოგთავაზონ ვარიანტები, რასაც ჩვენ ვუწოდებთ გადატვირთვას, ნატოს გრძელვადიან ადაპტაციას", - აღნიშნა სტოლტენბერგმა.

მისი თქმით, გადატვირთვის შესახებ გადაწყვეტილებების მიღება ნატოს სამიტზე მოხდება, რომელიც ივნისში მადრიდში გაიმართება.

სტოლტენბერგის ინფორმაციით, ნატოს აღმოსავლეთ ფლანგზე ამჟამად ალიანსის 40 000 ჯარისკაცია განლაგებული.