''თავისუფლება ტირანიაზე უკეთ უნდა იყოს შეიარაღებული'' - ვოლოდიმირ ზელენსკი
მეტი იარაღის გარეშე ომი გადაიქცევა უსასრულო სისხლის აბაზანად, რომელიც ავრცელებს უბედურებას, ტანჯვასა და განადგურებას , - ამის შესახებ უკრაინის პრეზიდენტმა ვოლოდიმირ ზელენსკიმ განაცხადა.
გამოქვეყნებულ ვიდეოში უკრაინის პირველი პირი ამბობს, რომ უკრაინა თავს იცავს რუსეთისგან იმაზე ბევრად მეტხანს, ვიდრე დამპყრობლებმა დაგეგმეს, თუმცა იქვე დასძინა, რომ „რუსეთს ჯერ კიდევ აქვს შესაძლებლობა, შეუტიოს არა მხოლოდ უკრაინას“.
„პოლონეთი, მოლდოვა, რუმინეთი და ბალტიისპირეთის ქვეყნები გახდებიან შემდეგი სამიზნეები, თუ უკრაინის თავისუფლება დაეცემა” , - აღნიშნა მან.
ზელენსკის თქმით, უკრაინას მძიმე არტილერია, ჯავშანტექნიკა, საჰაერო თავდაცვის სისტემები და საბრძოლო თვითმფრინავები სჭირდება.
„თავისუფლება ტირანიაზე უკეთ უნდა იყოს შეიარაღებული”, - განაცხადა უკრაინის ლიდერმა.
„დასავლეთის ქვეყნებს ყველაფერი აქვთ იმისათვის, რომ ეს მოხდეს. ტირანიაზე საბოლოო გამარჯვება და გადარჩენილი ადამიანების რაოდენობა მათზეა დამოკიდებული” , - დასძინა ზელენსკიმ.
სიახლეები
- ,,ყველას თანაბრად გვსურს ამ ომის სწრაფად დასრულება"- ზელენსკი
- ურსულა ფონ დერ ლაიენი მიესალმება ტრამპის „მე-5 მუხლის მსგავს“ უსაფრთხოების გარანტიებს და ამბობს, რომ უკრაინა უნდა გახდეს „ფოლადის ზღარბი, რომელიც პოტენციური დამპყრობლებისთვის უგემური და ძნელად მოსანელებელია“
- რუსეთის თავდასხმას ხარკოვში ხუთი ადამიანი ემსხვერპლა, მათ შორის ორი ბავშვია
- დღეს, საოლქო საარჩევნო კომისიები, საუბნო საარჩევნო კომისიების ხელმძღვანელ პირებს და წევრებს აირჩევენ
- “გამოართვა თანხა და სცადა, მოტყუებით დაუფლებოდა 1800 ლარს” – სამსახურეობრივი მდგომარეობის გამოყენებით თაღლითობის ჩადენის ფაქტზე, ერთ პირს ბრალი წარედგინა