ირანში გამართულ საპროტესტო აქციებზე სულ მცირე 36 ადამიანი დაიღუპა
ირანში, ადამიანის უფლებათა ცენტრის ინფორმაციით, მასშტაბური საპროტესტო აქციების დროს, სულ მცირე, 36 ადამიანი დაიღუპა. ქვეყნის ხელისუფლება, თავის მხრივ, აცხადებს, რომ დაიღუპა 17 ადამიანი, მათ შორის უსაფრთხოების ხუთი თანამშრომელი.
დაშავდა ასობით პირი.
ირანში საპროტესტო აქციებმა იფეთქა 22 წლის ქალის, მაჰსა ამინის სიკვდილის გამო. მაჰსა ამინი მას შემდეგ გარდაიცვალა, რაც ირანის მორალის პოლიციამ ჰიჯაბის ტარების წესების დარღვევისთვის დააკავა და სცემა. ერთი კვირის შემდეგ საპროტესტო აქციებმა ირანის ოცდაათზე მეტი ქალაქი მოიცვა, მათ შორის - ქვეყნის დედაქალაქი თეირანი.
ათასობით ირანელი განაგრძობს პროტესტს პოლიციის ძალადობისა და, უფრო ფართოდ, განსხვავებული აზრის ჩასახშობად ირანის ხელისუფლების სასტიკი ბრძოლის წინააღმდეგ.
დემონსტრაციების პირველ დღეებში ქალებმა ჰიჯაბები დახიეს, ზოგი საჯაროდ დაწვეს და პროტესტის ნიშნად თმებიც შეიჭრეს. რამდენიმე დღის შემდეგ კი დემონსტრანტებმა დაიწყეს ქვეყნის ლიდერის, აიათოლა ალი ხამენეის წინააღმდეგ მიმართული ლოზუნგების სკანდირება: "სიკვდილი დიქტატორს!" და " ხამენეი დაემხობა!"
სიახლეები
- ,,სააკაშვილის ფაქტორის ექსპლოატაციის გარდა, დიდი ხანია „ნაცმოძრაობამ“ არაფერი იცის, არც გაუკეთებია და არც შეუძლია"- ნიკა გვარამია
- ,,მიშა არა მხოლოდ სუსტი, არამედ გაფარჩაკებული ნარცისია"- თამარ ჩერგოლეიშვილი
- ,,საქართველოში ყველა იძულებით გადაადგილებულ პირს, ლტოლვილსა და მათ შთამომავალს აქვს უფლება დაუბრუნდეს საკუთარ სახლს"-ანალენა ბერბოკი
- ,,მადლობას ვუხდით ყველა სახელმწიფოს, რომელიც დადგა საქართველოს გვერდით და მხარი დაუჭირა დევნილთა უსაფრთხო, ღირსეული და შეუფერხებელი დაბრუნების უფლებას"- მაკა ბოჭორიშვილი
- გაერო-ს გენერალურმა ასამბლეამ „აფხაზეთიდან, საქართველო და ცხინვალის რეგიონიდან/სამხრეთ ოსეთი, საქართველო იძულებით გადაადგილებულ პირთა და ლტოლვილთა სტატუსის შესახებ“ რეზოლუცია მიიღო