ირანში საპროტესტო აქციებზე დაღუპულთა რიცხვი 83-მდე გაიზარდა
ირანში გასულ კვირას დაწყებული საპროტესტო აქციები გრძელდება. „როიტერი“ ადამიანის უფლებათა დაცვის ადგილობრივი ჯგუფების ბოლო მონაცემებზე დაყრდნობით ავრცელებს ინფორმაციას, რომ აქციებზე დაღუპულია სულ მცირე 83 ადამიანი.
მასობრივი პროტესტები ირანის ქალაქ საყეზში, ჰიჯაბის ტარების წესების დარღვევისთვის, პოლიციის მიერ დაკავებული 22 წლის მაჰსა ამინის გარდაცვალების შემდეგ დაიწყო. საპროტესტო აქციები მთელ ირანს მოედო. ხალხი ადამიანთა და განსაკუთრებით ქალთა უფლებების დასაცავად გამოვიდა, რასაც პოლიციასთან შეტაკება მოჰყვა.
ადამიანის უფლებათა დამცველი ორგანიზაციის მონაცემებით, უსაფრთხოების ძალებმა ათეულობით დემონსტრანტი დააკავეს, რომელთა შორის 28 მედიის წარმომადგენელიც არის.
გასულ კვირას, საპროტესტო აქციებს გამოეხმაურა ირანის პრეზიდენტი და განაცხადა, რომ თეირანმა უნდა იმოქმედოს გადამწყვეტად მათ წინააღმდეგ, ვინც ეწინააღმდეგება ქვეყნის უსაფრთხოებას და სიმშვიდეს. პრეზიდენტმა ხაზი გაუსვა, რომ აუცილებელია მოხდეს პროტესტის, საზოგადოებრივი წესრიგისა და უსაფრთხოების დარღვევების ერთმანეთისგან გამიჯვნა.
სიახლეები
- ,,ყველამ დაინახა, რომ „ბი-ბი-სი”-ზე გავრცელებული ინფორმაცია იყო სრული სიცრუე, სამარცხვინო ტყუილი"- ირაკლი კობახიძე
- ,,გიორგი გახარია გახლავთ სისხლის სამართლის საქმეში ბრალდებული პირი – სამარცხვინოა, როდესაც ის შეიძლება გამოჩნდეს ტერიტორიაზე, სადაც სხვადასხვა ოფიციალური პირები შეიძლება იყვნენ"- შალვა პაპუაშვილი
- ,,გერმანიის ელჩის და ეკა გიგაურის შეხვედრაზე: გერმანიის ხელისუფლებამ გვითხრას, რას აკეთებს პეტერ ფიშერი საქართველოში"- გურამ მაჭარაშვილი
- ზუგდიდში ხანძარს ერთი ადამიანი ემსხვერპლა
- ,,ბატონი პაპუაშვილი ჯამში 21 წელი იყო გერმანულ ანაზღაურებაზე” – პეტერ ფიშერი