წელს მთელი მსოფლიოს მასშტაბით 67 ჟურნალისტი და მედიის თანამშრომელი დაიღუპა. ეს შარშანდელზე 20-ით მეტია. მათ შორისაა 12 ჟურნალისტი, უმრავლესობა უკრაინელები. ისინი ქვეყანაში მიმდინარე სამხედრო კონფლიქტის გაშუქებისას დაიღუპნენ. უკრაინის ომის პერიოდში დაიღუპა ასევე ამერიკელი რეჟისორი-დოკუმენტალისტი ბრენტ რენო. მრავალი სასიკვდილო შემთხვევა რუსეთის სრულმასშტაბიანი შეჭრის პირველ კვირებში მოხდა.

როგორც იტყობინებიან, 375 ჟურნალისტი ზის ციხეში საკუთარი საქმიანობის გამო. მედიის თანამშრომელთა შორის ნასამართლობის ყველაზე მაღალი მაჩვენებლებია ჩინეთში, ბირმასა (მიანმარი) და თურქეთში. გასულ წელს პატიმრობა მიესაჯა 365 ჟურნალისტს, ნათქვამია ანგარიშში.

ჟურნალისტთა საერთაშორისო ფედერაცია ყველა ქვეყნის მთავრობებს მოუწოდებს, უფრო ყურადღებით დაიცვან მედიის თანამშრომელთა უფლებები და თავისუფლებები.