შოლცმა ეს პოზიცია ნიუ იორკში გამართულ პრესკონფერენციაზე დააფიქსირა, სადაც გაერო-ს გენერალური ასამბლეის 78-ე სესია მიმდინარეობს.

„ჩვენ მხარს ვუჭერთ დიპლომატიურ მოლაპარაკებებს გულწრფელი მცდელობით, რათა მივიღოთ მშვიდობიანი, ორმხრივად შეთანხმებული გადაწყვეტა ყველა არსებული საკითხისთვის როგორც სომხეთსა და აზერბაიჯანს შორის, ასევე თავად აზერბაიჯანში“, – განაცხადა გერმანიის კანცლერმა.

შოლცი ყარაბაღში არსებულ ვითარებას სოციალურ ქსელშიც გამოეხმაურა და აღნიშნა, რომ აზერბაიჯანმა თავდასხმები დაუყონებლივ უნდა შეწყვიტოს.

„საომარი მოქმედებები მთიან ყარაბაღში სასწრაფოდ უნდა შეწყდეს. აზერბაიჯანსა და სომხეთს შორის სიტუაცია უკიდურესად კრიტიკულია. ბაქოს მთავრობამ დაუყოვნებლივ უნდა შეწყვიტოს თავდასხმები და დაუბრუნდეს დიპლომატიას პრობლემების მშვიდობიანი გადაწყვეტის მოსაძებნად“, – წერს შოლცი „ტვიტერის“ გვერდზე.