"ომს ვაბრუნებთ რუსეთში და ეს სრულიად სამართლიანია" - ვოლოდიმირ ზელენსკი
უკრაინამ იერიში მიიტანა იაროსლავლში მდებარე ნავთობგადამამუშავებელ ქარხანაზე, რომელიც უკრაინის საზღვრიდან დაახლოებით 700 კილომეტრში მდებარეობს. ამის შესახებ უკრაინის პრეზიდენტმა, ვოლოდიმირ ზელენსკიმ განაცხადა.
როგორც ზელენსკი სოციალურ ქსელში წერს, დარტყმები განხორციელდა უკრაინის დროებით ოკუპირებულ ტერიტორიაზეც, კონკრეტული სამხედრო ობიექტების წინააღმდეგ.
„ვაგრძელებთ თავდაცვით ოპერაციებს გარკვეულ მიმართულებებზე. ღამით უკრაინის თავდაცვის ძალები მოქმედებდნენ იაროსლავლის ნავთობგადამამუშავებელი ქარხნის მიმართულებით, რომელიც ჩვენი ტერიტორიიდან დაახლოებით 700 კილომეტრის დაშორებით მდებარეობს. ჩვენ ომს რუსეთში ვაბრუნებთ და ეს სრულიად სამართლიანია“, – წერს ზელენსკი.
მისივე თქმით, მზადდება სხვა შორ და საშუალო მანძილზე მოქმედი დარტყმებიც, რაც პასუხი იქნება რუსეთის მიერ უკრაინის ქალაქებისა და დასახლებული პუნქტების დაბომბვაზე.
სიახლეები
- "26 მაისს იქნება გამოსვლები, საინტერესო პროცესი, რომელიც საზოგადოებას დააინტერესებს" - გიორგი ვაშაძე
- შინაგან საქმეთა სამინისტრო მოქალაქეებს აფრთხილებს
- "სამხედრო ფორმა მხოლოდ პროფესიის ნიშანი არ არის, ეს არის ქვეყნის წინაშე პასუხისმგებლობის სიმბოლო" - შალვა პაპუაშვილი
- "მისი უწმინდესობისა და უნეტარესობის, ილია მეორის გარდაცვალების შემდეგ და დაკრძალვის დღეებში გამოჩნდა ჩვენი ხალხის დიდი სულიერება, გონიერება და რწმენა"
- უცხოური ვალუტის ოფიციალური კურსი 23 მაისიდან
