"გავაგრძელებთ „ჰამასის“ წინააღმდეგ ომს მთელი ძალით, გამარჯვებამდე" - ბენიამინ ნეთანიაჰუ
ისრაელის პრემიერ-მინისტრი, ბენიამინ ნეთანიაჰუ ღაზაში ცეცხლის შეწყვეტის შესახებ საერთაშორისო მოწოდებებს არ ეთანხმება და აცხადებს, რომ „ჰამასის“ წინააღმდეგ ისრაელის ბრძოლა გაგრძელდება.
„მთელი ძალით, ჩვენ გავაგრძელებთ გამარჯვებამდე. "ჰამასმა“ დაკარგა კონტროლი ღაზის სექტორზე. მას არ აქვს დასამალი უსაფრთხო ადგილი. „ჰამასის“ ყველა წევრი სიკვდილისთვისაა განწირული. ჩვენი ძალები ურტყამს მათ მიწის ზემოთ და მიწის ქვეშ", - აღნიშნა ნეთანიაჰუმ.
კითხვაზე, შესაძლებელია თუ არა, პალესტინის ხელისუფლებამ, რომელიც ოკუპირებულ დასავლეთ სანაპიროს ნაწილობრივ მართავს, ომის შემდეგ ღაზა მართოს, ნეთანიაჰუმ უპასუხა, რომ ღაზაში იქნება უსაფრთხოების სრული კონტროლი და ისრაელის თავდაცვის ძალები შეძლებენ მის ტერიტორიაზე შევიდნენ მაშინ, როდესაც მოესურვებათ იმ მიზნით, რომ დახოცონ ტერორისტები, თუკი ისინი ხელახლა გამოჩნდებიან.
"მე შემიძლია გითხრათ, რაც არ იქნება - არ იქნება „ჰამასი“. უფრო მეტიც, იქ არ იქნება სამოქალაქო ხელისუფლება, რომელიც ასწავლის თავის შვილებს ისრაელის სიძულვილს, ისრაელელების დახოცვას, ისრაელის სახელმწიფოს განადგურებას. სხვა რამ იქნება საჭირო, მაგრამ ნებისმიერ შემთხვევაში, ჩვენი უსაფრთხოების კონტროლით", - აღნიშნა ნეთანიაჰუმ.
სიახლეები
- კორუფცია თუ არშემდგარი “რევოლუციის” მხარდაჭერა - ყოფილ მაღალჩინოსნების ჩხრეკის შემდეგ ჯერ არავინ დაუკავებიათ
- უცხოური ვალუტის ოფიციალური კურსი 21 ოქტომბრისთვის
- "2009 წელს, ჩვენს წინააღმდეგ აქციებს ივანიშვილი აფინანსებდა" - მიხეილ სააკაშვილი
- კრემლში აცხადებენ, რომ საქართველოს კომპენსაციას არ გადაუხდიან - “ეს მილიონები არსად არ გაქრება, რუსეთს მისი გადახდა მოუწევს”
- სუს-ის ანტიკორუფციულმა სააგენტომ თბილისში, ქუთაისსა და ბათუმში ყალბი სამედიცინო მოწმობის დამზადებისა და კომერციულ მოსყიდვაში დახმარების ფაქტებზე სამი პირი დააკავა