მოსკოვთან ახლოს რუსი გენერალი ააფეთქეს
მოსკოვის ოლქის ქალაქ ბალაშიხაში, სახლთან მომხდარი აფეთქების შედეგად რუსეთის შეიარაღებული ძალების გენერალური შტაბის მთავარი ოპერატიული სამმართველოს უფროსის მოადგილე, იაროსლავ მოსკალიკი დაიღუპა.
ინფორმაციას ადგილობრივი მედია საგამოძიებო კომიტეტისგან მიღებულ ინფორმაციაზე დაყრდნობით ავრცელებს.
რუსეთის საგამოძიებო კომიტეტის თანახმად, სახლთან გაჩერებულ ავტომობილში თვითნაკეთი ასაფეთქებელი მოწყობილობა ამოქმედდა.
“შემთხვევის ადგილზე მივიდნენ რუსეთის საგამოძიებო კომიტეტის გამომძიებლები, სასამართლო ექსპერტიზა და დეპარტამენტის ექსპერტები, ასევე, სამართალდამცავი ორგანოების ოპერატიული დანაყოფები“, – აცხადებენ დეპარტამენტში.
ამ ეტაპზე სისხლის სამართლის საქმე აღძრულია მკვლელობის და ასაფეთქებელი ნივთიერებების უკანონო მოხმარების მუხლებით.
სიახლეები
- ტრამპმა არ გამორიცხა, რომ საბოლოოდ პუტინი დათანხმდება უკრაინის თაობაზე შეთანხმებას
- ესპანეთში ხანძრის შედეგად დაღუპულთა რიცხვი იზრდება – ევროკავშირი ქვეყანას დახმარებას უგზავნის
- 15 აგვისტოდან, ოპიოიდური დამოკიდებულების ჩანაცვლებითი მკურნალობის პროგრამა სრულად სახელმწიფოს მართვაში გადადის – უქმდება ჩანაცვლებითი თერაპიის კერძო ცენტრები და სერვისს, ყველა ბენეფიციარს, სახელმწიფო მიაწვდის
- მუნიციპალიტეტის ორგანოთა არჩევნებისთვის პარტიების რეგისტრაცია დასრულდა
- პუტინი უკრაინის საკითხში ტრამპის ადმინისტრაციის ძალისხმევას აქებს