სობიანინის ტელეგრამ-არხზე შუაღამიდან დილის შვიდის ნახევრამდე გამოქვეყნებული ცნობების მიხედვით, საერთო ჯამში, 33 უპილოტო საფრენი აპარატი „გაანადგურეს“.

კონკრეტული დასახლებული პუნქტებიდან სობიანინმა დაასახელა მხოლოდ მოსკოვის ოლქის ქალაქი ზელენოგრადი, სადაც „წინასწარი ინფორმაციით, სერიოზული დაზიანებები და დაშავებულები არ არიან“.

რუსული ტელეგრამ-არხების ცნობით, ზელენოგრადში, სულ მცირე, ხუთი აფეთქება იყო. დაზიანებულია ტექნოპარკის შენობა. ზელენოგრადი მოსკოვის ცენტრიდან ჩრდილო-დასავლეთით, 37 კილომეტრში მდებარეობს.