მასკმა ეს განცხადება სოციალურ მედია პლატფორმა X-ზე გააკეთა, მას შემდეგ, რაც პრეზიდენტმა მას ოვალურ კაბინეტში საზეიმო დამშვიდობება მოუწყო, რითაც ადმინისტრაციაში მისი მუშაობის დასრულება აღინიშნა.

„ბოდიშს გიხდით, მაგრამ უბრალოდ აღარ შემიძლია ამის ატანა“, – დაწერა მასკმა X-ზე . „კონგრესის ხარჯების ეს უზარმაზარი, აღმაშფოთებელი, სისულელეებით სავსე კანონპროექტი ამაზრზენი საზიზღრობაა. სირცხვილი მათ, ვინც მას ხმა მისცა: თქვენ იცით, რომ არასწორად მოიქეცით. თქვენ ეს იცით“.

როგორც მედია იუწყება, კანონპროექტი, რომელიც წარმომადგენელთა პალატამ მიიღო და ამჟამად სენატში განხილვის პროცესშია, მასკის ელექტრომობილების მწარმოებელი Tesla-სთვის სასარგებლო სუბსიდიებს შეამცირებს.