ტრამპმა განკარგულება 4 ივნისს გასცა და მის საფუძვლად „ეროვნული უსაფრთხოების“ მიზეზები დაასახელა.

ჰარვარდმა ტრამპის გადაწყვეტილებას შურისძიება უწოდა და აღნიშნა, რომ თავისი საერთაშორისო სტუდენტების დაცვას განაგრძობს.

ტრამპის განკარგულება ასევე ავალებს სახელმწიფო მდივანს, განიხილოს უნივერსიტეტში ამჟამად არსებული უცხოელი სტუდენტების ვიზების გაუქმება.

2024-2025 სასწავლო წელს ჰარვარდში დაახლოებით შვიდი ათასი უცხოელი სტუდენტი ირიცხებოდა, რაც სასწავლებლის სტუდენტების 27%-ს შეადგენს.

თეთრმა სახლმა განაცხადა, რომ ჰარვარდმა ვერ მიაწოდა საკმარისი ინფორმაცია საშინაო უსაფრთხოების დეპარტამენტს „უცხოელი სტუდენტების უკანონო ან საშიში საქმიანობის“ შესახებ.