„მკვლელი დრონები“ უკრაინის სამოქალაქო მოსახლეობაში მსხვერპლის ძირითადი მიზეზია - გაეროს მისია
უკრაინის ფრონტისპირა რაიონებში მშვიდობიანი მოქალაქეების დაღუპვისა და დაჭრის ძირითადი მიზეზი ახლო მანძილზე მოქმედების უპილოტო საფრენი აპარატებით დარტყმაა.
ეს დასკვნა მოცემულია გაეროს ადამიანის უფლებების მონიტორინგის მისიის ანგარიშში, რომელიც 26 ივნისს გამოქვეყნდა და მოიცავს პერიოდს ომის დაწყებიდან, 2022 წლის 24 თებერვლიდან 2025 წლის 30 აპრილის ჩათვლით.
დოკუმენტის თანახმად, სამოქალაქო მოსახლეობაში მსხვერპლის გამომწვევი თავდასხმებისას, ძირითადად, გამოყენებულია FPV-დრონები, რომლებიც კამერებითაა აღჭურვილი და ოპერატორებს დარტყმის ადგილის დათვალიერებისა და კონკრეტული სამიზნეების ზუსტად შერჩევის შესაძლებლობას აძლევს.
მიუხედავად ამისა, დრონებს უშუალოდ სამოქალაქო პირების წინააღმდეგაც იყენებენ. გაეროს მისიას დოკუმენტურად დადასტურებული აქვს შემთხვევები, როცა დრონებით დარტყმებს ემსხვერპლნენ მშვიდობიანი მოქალაქეები, რომლებიც ველოსიპედებით, კერძო ავტომობილებით და ავტობუსებით გადაადგილდებოდნენ, სასწრაფო სამედიცინო დახმარების ავტომანქანებში იმყოფებოდნენ ან სახლის მახლობლად სეირნობდნენ.
დრონებით დარტყმის შემთხვევები დადასტურებულია მოქალაქეთა ევაკუაციისა და ჰუმანიტარული დახმარების მიწოდების დროსაც.
სიახლეები
- “მევახშეები, მამუკა ხაზარაძე და ბადრი ჯაფარიძე პოლიტიკას ტოვებენო, ყველაზე ძვირი ჩვენ გვიჯდება ხმები და ყველაზე იაფი “ოცნებასო” – სიიაფე არაფერ შუაშია, ხალხი დგას სიმართლის მხარეს” - გიორგი გამსახურდია
- „ეს მთლიანად დამოუკიდებელი მედიის შევიწროებაა“ - „ფორმულა“ ვახო სანაიას დაკავებაზე
- ტელეწამყვანი ვახო სანაია სავარაუდოდ, გზის გადაკეტვის მიზეზით დააკავეს
- “მისასალმებელია, რომ გერმანიაში დემოკრატიული აზრი კვლავ ძლიერია და კითხვებს სვამენ პეტერ ფიშერის იმ არადიპლომატიურ საქციელზე, რომელიც აშფოთებს ქართულ საზოგადოებას” - ეკა სეფაშვილი
- “ძალიან დიდი სირცხვილია ევროკავშირის წარმომადგენლობისათვის ისეთი ვიდეოს დაფინანსება, რომელიც აღვივებს ხალხში აგრესიას, ძალადობისკენ მისწრაფებას და ხელს უწყობს პოლარიზაციას” - ეკა სეფაშვილი