“სულ მცირე 71 ადამიანი ემსხვერპლა ევინის ციხეზე ისრაელის იერიშს” - ირანის სასამართლო
„Associated Press“ ირანის სასამართლოზე დაყრდნობით ავრცელებს ინფორმაციას, რომ თეირანში მდებარე ცნობილ ევინის ციხეზე ისრაელის მიერ მიმდინარე კვირის დასაწყისში განხორციელებულ იერიშს სულ მცირე 71 ადამიანი ემსხვერპლა.
ირანის სასამართლოს ოფიციალურ პლატფორმა, Mizan-ზე გამოქვეყნებული ცნობის თანახმად, დაღუპულთა შორის არიან ციხის პერსონალი, გაწვევით სამსახურში მყოფი ჯარისკაცები, პატიმრები და მათი ოჯახის წევრები.
„ცნობა დამოუკიდებლად ვერ მოწმდება“, - წერს გამოცემა.
ევინის ციხე ათწლეულებია ცნობილია, როგორც ადგილი, სადაც ხშირია ადამიანის უფლებების მძიმე დარღვევები. ამ ციხეში იხდის სასჯელს, მათ შორის პოლიტიკური ოპოზიცია.
ისრაელის საჰაერო ძალებმა ორშაბათს დაბომბეს ევინი, რაც თავად დაადასტურეს, როგორც სიმბოლური დარტყმა ირანის მთავრობაზე.
ირანელმა აქტივისტებმა დაგმეს ეს იერიში, განაცხადეს, რომ ის საფრთხეს უქმნიდა პოლიტპატიმრების სიცოცხლეს.
ანგარიშების მიხედვით, განადგურდა ციხის ადმინისტრაციული შენობების ნაწილი. იერიშის შემდეგ პატიმრები გადაიყვანეს სხვა დაწესებულებებში, სადაც ვითარება, გავრცელებული ცნობებით, კიდევ უფრო მძიმეა.
„კადრში დაღუპულთა შორის სავარაუდოდ არის მთავარი პროკურორი ალი ღანათქარიც, რომელიც პასუხისმგებელი იყო მშვიდობის დარგში ნობელის პრემიის ლაურეატის, ნარგეს მოჰამადის, გასამართლებაზე — თავად მოჰამადიც ევინის ციხეში იმყოფებოდა.
ისრალემა ციხეზე იერიში განახორციელა რამდენიმე დღით ადრე, ვიდრე 24 ივნისს ცეცხლის შეწყვეტის შეთანხმება ამოქმედდებოდა.
სიახლეები
- ,,გიორგი გახარია გახლავთ სისხლის სამართლის საქმეში ბრალდებული პირი – სამარცხვინოა, როდესაც ის შეიძლება გამოჩნდეს ტერიტორიაზე, სადაც სხვადასხვა ოფიციალური პირები შეიძლება იყვნენ"- შალვა პაპუაშვილი
- ,,გერმანიის ელჩის და ეკა გიგაურის შეხვედრაზე: გერმანიის ხელისუფლებამ გვითხრას, რას აკეთებს პეტერ ფიშერი საქართველოში"- გურამ მაჭარაშვილი
- ზუგდიდში ხანძარს ერთი ადამიანი ემსხვერპლა
- ,,ბატონი პაპუაშვილი ჯამში 21 წელი იყო გერმანულ ანაზღაურებაზე” – პეტერ ფიშერი
- 13 თებერვლის ასტროლოგიური პროგნოზი