კიევში ადასტურებენ დრონებით შეტევას რუსეთში, ილსკის ნავთობგადამამუშავებელ ქარხანაზე
დღეს, 7 ივლისს უკრაინამ უპილოტო საფრენი აპარატებით შეუტია რუსეთის კრასნოდარის მხარეში მდებარე ილსკის ნავთობგადამამუშავებელ ქარხანას. ამის შესახებ რამდენიმე უკრაინული მედიასაშუალება წერს სამხედრო დაზვერვაზე დაყრდნობით.
უკრაინის თავდაცვის სამინისტროს დაზვერვის მთავარი სამმართველოს წარმომადგენელმა ანონიმურობის დაცვის პირობით, მედიას განუცხადა, რომ დარტყმა იყო ქარხნის ერთ-ერთ ტექნოლოგიურ საამქროზე. წყაროს თანახმად, ეს ქარხანა რუსეთის სამხედრო-სამრეწველო კომპლექსის ნაწილია.
დილით რუსეთის სახელმწიფო მედია კრასნოდარის მხარის ოპერატიულ შტაბზე დაყრდნობით წერდა, რომ ილსკის ნავთობგადამამუშავებელი ქარხნის ტერიტორიაზე დრონის ნამსხვრევები ჩამოცვივდა, თუმცა ხანძარი და დაზიანებები არ გამოუწვევია და არავინ დაშავებულა.
ილსკის ნავთობგადამამუშავებელ ქარხანაზე დრონებით შეტევა იყო 2023 და 2024 წლებშიც.
სიახლეები
- ,,პროდუქტებზე მაღალი ფასნამატია, უნდა დაიწყოს გამოძიება, შეიქმნას საგამოძიებო კომისია"- ირაკლი კობახიძე
- მოსკოვში აფეთქების შედეგად პოლიციელები დაიღუპნენ
- ,,გაფახზულის სესიაზე სპეციალური კომისია შეიქმნება, რომელიც დაიწყებს სასურსათო პროდუქტებზე ფასების ფორმირების პროცესის საჯარო შესწავლას"- შალვა პაპუაშვილი
- ანკარაში თვითმფრინავის ჩამოვარდნის შედეგად ბორტზე მყოფი ყველა ადამიანი დაიღუპა
- ,,ლელოს” დააწყებინეს კამპანია, მერე გაწიეს ,,ლელო”, გადააბარეს ,,ალტ ინფოს” და ,,პატრიოტთა ალიანსს”, ჩართული ჰყავთ უცხოეთიდან დაფინანსებული ,,ენჯეოებიც”- ირაკლი კობახიძე