ისრაელის არმიის ცნობით, ღაზის სექტორის ჩრდილოეთით, ჯაბალიის რაიონში, შეტაკებების დროს სამი ჯარისკაცი დაიღუპა და ერთი დაიჭრა.

ისრაელის პრემიერ-მინისტრი ბენიამინ ნეთანიაჰუ აცხადებს, რომ ისრაელი ამ ომს აბსოლუტურ გამარჯვებამდე გააგრძელებს.

ეგვიპტის საგარეო საქმეთა მინისტრმა, ბადრ აბდელატიმ განაცხადა, რომ მას შემდეგ, რაც ევროკავშირმა ისრაელთან შეთანხმებას მიაღწია ანკლავში დახმარების მიწოდების გაზრდის შესახებ, ღაზაში „არაფერი შეცვლილა“.

“ჰამასის” მიერ 7 ოქტომბერს მოწყობილი თავდასხმის შემდეგ, ღაზაში ომს 58 386 ადამიანი ემსხვერპლა. დაშავებულია ასი ათასზე მეტი, მილიონობით კი დევნილად იქცა.