შეერთებული შტატების პრეზიდენტმა 15 ივლისს ენდრიუსის ავიაბაზაზე ჟურნალისტებს უთხრა, რომ უკრაინა ამ სისტემებს გერმანიიდან მიიღებს. დონალდ ტრამპმა გაიმეორა, რომ უკრაინისთვის განკუთვნილი ამერიკული იარაღის საფასურს გადაიხდის ნატო, ზოგიერთ შემთხვევაში კი - პირდაპირ ევროკავშირის წევრი სახელმწიფოები.

14 ივლისს გერმანიის თავდაცვის მინისტრმა ბორის პისტორიუსმა ვაშინგტონში აშშ-ის თავდაცვის მინისტრ პიტ ჰეგსეთთან შეხვედრის შემდეგ განაცხადა, რომ უკრაინისთვის გადასაცემად მზადდება Patriot-ის ტიპის ორი სისტემა.