აშშ-ის გეოლოგიის სამსახურის (USGS) ცნობით, ბიძგები 31 აგვისტოს საღამოს, ადგილობრივი დროით 23:47-ზე დაფიქსირდა. ეპიცენტრი კუნარისა და ნანგარჰარის პროვინციებში, ჯალალაბადიდან 27 კილომეტრში მდებარეობდა.

სამაშველო ჯგუფები ამ დრომდე აგრძელებენ ნანგრევებში გადარჩენილების ძებნას. გავრცელებული ცნობებით, რამდენიმე სოფელი მთლიანად განადგურდა, დაზიანებულია საცხოვრებელი სახლები და ინფრასტრუქტურა.

ავღანეთის ხელისუფლება და ჰუმანიტარული ორგანიზაციები საერთაშორისო დახმარებას ითხოვენ, რადგან სამაშველო სამუშაოებს ძლიერი ნგრევა და რთული გეოგრაფიული პირობები აფერხებს.