უკრაინამ და ევროკავშირმა გაწევრიანების მოლაპარაკებების ბოლო კლასტერის სკრინინგი დაიწყეს
უკრაინამ და ევროკომისიამ გაწევრიანების შესახებ მოლაპარაკებების ბოლო, მეხუთე კლასტერის სკრინინგი დაიწყეს, რომელიც სოფლის მეურნეობას ეხება, - ინფორმაციას უკრაინული მედია ევროპული და ევროატლანტიკური ინტეგრაციის საკითხებში ვიცე-პრემიერ მინისტრის ოფისზე დაყრდნობით ავრცელებს.
მოლაპარაკებების მე-11 სექციის - „სოფლის მეურნეობა და სოფლის განვითარება“ - სკრინინგის შეხვედრები ჰიბრიდულ ფორმატში გუშინ დაიწყო და 10 სექტემბრამდე გაგრძელდება.
უკრაინის დელეგაციას მთავარი მომლაპარაკებელი, ვიცე-პრემიერი ტარას კაჩკა ხელმძღვანელობს. სესიებში ასევე მონაწილეობენ უკრაინის ეკონომიკის, გარემოს დაცვისა და სოფლის მეურნეობის სამინისტროს წარმომადგენლები.
მეხუთე კლასტერის მე-11 სექცია: „სოფლის მეურნეობა და სოფლის განვითარება“ მოიცავს სავალდებულო წესების დიდ რაოდენობას, რომელთა უმეტესობა უკრაინაში ძალაში შევა გაწევრიანებისთანავე, დამატებითი სამართლებრივი აქტების მიღების საჭიროების გარეშე. ამ წესების სწორად გამოყენება, ასევე მათი ეფექტური განხორციელება და კონტროლი პროფესიონალი საჯარო ადმინისტრაციის მიერ, კრიტიკულად მნიშვნელოვანია ევროკავშირის საერთო სასოფლო-სამეურნეო პოლიტიკის ფუნქციონირებისთვის.
ცნობისთვის, ივლისში უკრაინამ ევროკავშირში გაწევრიანების მოლაპარაკებებისთვის მეოთხე კლასტერის სკრინინგი წარმატებით დაასრულა.
სიახლეები
- “ანტიქართულმა „ოცნებამ“ გადაწყვიტა, დემოკრატიას მიაყენოს გადამწყვეტი დარტყმა” - ირაკლი კუპრაძე
- “კიდევ ერთხელ ვაცხადებთ, რომ ეპარქიულ კომისიაზე არქიმანდრიტ დოროთეს მიერ მოთხოვნილი ფორმატი არ დაკმაყოფილდება, რადგან ეს არის უპრეცედენტო და დაუშვებელი” – საპატრიარქო
- “საქართველოს კონსტიტუციის 23-ე მუხლი დაუშვებლად მიიჩნევს ისეთი პოლიტიკური პარტიის საქმიანობას, „რომლის მიზანია საქართველოს კონსტიტუციური წყობილების დამხობა ან ძალადობით შეცვლა, ქვეყნის დამოუკიდებლობის ხელყოფა” – პაპუაშვილი
- “ერთობლივი კონსტიტუციური სარჩელით მივმართავთ საკონსტიტუციო სასამართლოს კონკრეტული პოლიტიკური პარტიების არაკონსტიტუციურად ცნობისა და მათი აკრძალვის მოთხოვნით” – პაპუაშვილი
- “გიორგი გახარია არის ქრონიკული მოღალატე” - ირაკლი ფავლენიშვილი