მსხვერპლი მოჰყვა მიჩიგანის შტატში ეკლესიაზე თავდასხმას
4 ადამიანი დაიღუპა და 8 დაშავდა ამერიკის მიჩიგანის შტატში „უკანასკნელი დღის წმინდანთა ეკლესიის“ (მორმონები) სამლოცველოზე თავდასხმის შედეგად.
თავდასხმა კვირას, 28 სექტემბერს მოხდა ქალაქ გრანდ-ბლანკში. ადგილობრივი ხელისუფლების ცნობით, შეიარაღებულმა მამაკაცმა სამლოცველოს ფასადი ავტომობილით შეანგრია, შემდეგ სროლა დაიწყო და განზრახ გააჩინა ხანძარი, რომელმაც მთელი შენობა მოიცვა. თავდასხმის დროს საკვირაო წირვა მიმდინარეობდა.
პოლიციის ინფორმაციით, თავდამსხმელი მოკლულია სამართალდამცავების საპასუხო სროლის შედეგად.
გამოძიების თანახმად, თავდამსხმელი 40 წლის ტომას ჯეიკობ სენფორდია. ის ახლომდებარე ქალაქ ბერტონის მცხოვრები იყო. დანაშაულის მოტივი ჯერჯერობით უცნობია.
ამერიკის შეერთებული შტატების პრეზიდენტმა დონალდ ტრამპმა თავის სოციალურ ქსელ Truth Social-ში დაწერა, რომ ეს იყო „ქრისტიანებზე მორიგი მიზანმიმართული თავდასხმა“. ტრამპის განცხადებით, საჭიროა, რომ ქვეყანაში „ძალადობის ეპიდემია“ დაუყოვნებლივ შეწყდეს.
სიახლეები
- ,,ბურჭულაძეს სხვა ფუნქცია არ ჰქონდა, გარდა იმისა, რომ რუსეთის სცენებზე მღეროდა"- გია ვოლსკი
- საქალაქო სასამართლომ სააკაშვილს და ჯანაშიას, სახელმწიფოს სასარგებლოდ, ბიუჯეტში, ჯამურად, 9 მილიონ ლარამდე თანხის გადახდა დააკისრა
- ,,4 ოქტომბრის 20:00 საათისთვის ხელისუფლება რომ არ შეიცვლება, ვფიქრობ, ყველასთვის გასაგებია"- ვახტანგ ძაბირაძე
- ,,ნაცმოძრაობა” და მისი ფილიალები არც არჩევნებისთვის ემზადებოდნენ იმიტომ, რომ იციან, რესურსი არ აქვთ და ვერც ძალადობრივ აქციებს ვერ მოაწყობენ” – გურამ მაჭარაშვილი
- საარჩევნო ადმინისტრაციის ორგანიზებით, უსინათლო ამომრჩევლებთან საინფორმაციო შეხვედრა გაიმართა