„მათ შეტევაზე გადასვლა სურთ. ამაზე გადაწყვეტილებას მე მივიღებ, მაგრამ მათ შეტევა სურთ“, – აღნიშნა დონალდ ტრამპმა თეთრი სახლის ოვალურ კაბინეტში ჟურნალისტებთან საუბრისას.

ამასთან, აშშ-ის პრეზიდენტმა რუსეთს უკრაინელებისა და რუსების მკვლელობის შეჩერებისკენ მოუწოდა და აღნიშნა, რომ გაჭიანურებული კონფლიქტი რუსეთის, როგორც „დიდი ძალის“ იმიჯისთვის საზიანოა.

„ეს არის ომი, რომელიც ერთ კვირაში უნდა მოეგოთ, თუმცა უკვე მეოთხე წელი იწყება“, – აღნიშნავს ტრამპი.

ამერიკის პრეზიდენტმა ასევე განაცხადა, რომ 17 ოქტომბერს უკრაინელ კოლეგასთან რუსეთ-უკრაინის ომს განიხილავს. მედიაში ვარაუდობენ, რომ შეხვედრის ერთ-ერთი მთავარი თემა უკრაინისთვის „ტომაჰავკის“, შორ მანძილზე მოქმედი რაკეტის მიწოდების საკითხი იქნება.