მისი გარდაცვალების შესახებ ინფორმაცია უკრაინულმა და საერთაშორისო მედიასაშუალებებმა გაავრცელეს.

მედიის ცნობით, სასულიერო პირს ბოლო პერიოდში ჯანმრთელობის პრობლემები ჰქონდა.

ფილარეტი ერთ-ერთ ყველაზე გავლენიან ფიგურად ითვლებოდა უკრაინის საეკლესიო ისტორიაში და აქტიურად მონაწილეობდა უკრაინის მართლმადიდებელი ეკლესიის დამოუკიდებლობის პროცესებში.

მედიის თანახმად, ფილარეტი დაკავშირებულია კიევის საპატრიარქოს ფორმირებასთან და ათწლეულების განმავლობაში იყო უკრაინის საეკლესიო დამოუკიდებლობის ერთ-ერთი მთავარი მხარდამჭერი.

გარდაცვალების ოფიციალური დეტალები და დაკრძალვის ცერემონიასთან დაკავშირებული ინფორმაცია ამ ეტაპზე არ გავრცელებულა.