„არსებულ ინფორმაციაზე დაყრდნობით, თავდაპირველად კორონავირუსი ყუმის ქალაქში დაფიქსირდა, ახლა კი მრავალ ქალაქშია გავრცელებული, მათ შორის: თეირანში, ბაბოლში, არაკში, ისპაანში და სხვა ქალაქებში“, - განაცხადეს სამინისტროში.

მათივე ინფორმაციით, კორონავირუსი სავარაუდოდ, მთელი ქვეყნის მასშტაბითაა გავრცელებული. ირანში არსებულ ვითარებას გამოეხმაურა მსოფლიო ჯანდაცვის ორგანიზაცია. მათი თქმით, გავრცელებული ცნობები ძალიან „სანერვიულოა“.

შეგახსენებთ, გუშინ, ირანში საპარლამენტო არჩევნები იმართებოდა. მედიაში ვარაუდობენ, რომ ინფორმაციას კორონავირუსის შესახებ ირანის ოფიციალური პირები სწორედ ამიტომ არ ავრცელებდნენ. ირანში, ოფიციალური ცნობით, ამ დროისთვის კორონავირუსით 5 ადამიანი დაიღუპა.