კანადაში ერთჯერადი გამოყენების პლასტმასის მოხმარება სრულად იკრძალება
კანადის მთავრობა 2021 წლის ბოლოსთვის ერთჯერადი გამოყენების პლასტმასის მოხმარებას სრულად აკრძალავს.
ამის შესახებ CNN კანადის გარემოს დაცვის მინისტრის, ჯონათან უილკინსონის განცხადებაზე დაყრდნობით იუწყება.
ყველასთვის ცნობილია, რომ გარემოს დაბინძურების კუთხით ერთ-ერთ მთავარ პრობლემას სწორედ ერთჯერადი პლასტმასის გამოყენება წარმოადგენს. წლის განმავლობაში ოკეანეებში მილიარდობით მცირე ზომის პლასტმასის ნაწილაკი ხვდება.
ეკოლოგიური პრობლემების აღმოფხვრის მიზნით, მთავრობის გადაწყვეტილებით კანადაში ერთჯერადი პლასტმასის ჭურჭლის, პარკებისა და სხვა პროდუქტების გამოყენება აიკრძალება.
საინტერესოა, რომ კანადა არ არის პირველი ქვეყანა, რომელიც ერთჯერადი პლასტმასის გამოყენებას კრძალავს. ბრიტანეთში 1 ოქტომბრიდან ძალაში შევიდა კანონი კოქტეილის პლასტმასის ჩხირების, სასმელების მოსარევი პლასტმასის ჯოხებისა და ყურის პლასტმასის ჩხირების გამოყენების აკრძალვის შესახებ.
სიახლეები
- ხაჭოს პასკა
- საკანონმდებლო პაკეტი, რომლის მიხედვითაც, საერთაშორისო დონორი ორგანიზაციები გრანტს მთავრობის თანხმობის გარეშე ვეღარ გასცემენ, პარლამენტმა პირველი მოსმენით მიიღო
- თბილისში დაკარგული მოზარდები იპოვეს
- "პარტია არ შეიძლება იმართებოდეს ჩემი წერილებით ან ვიწრო ჯგუფის გადაწყვეტილებებით"- სააკაშვილი
- "კლასიკური პარტიიდან უნდა გარდავიქმნათ წინააღმდეგობის მოძრაობად; პარტია არ შეიძლება, იმართებოდეს ჩემი წერილებით" - სტატუსი სააკაშვილი “ნაცმოძრაობაზე”