ჯანმო-ს განცხადებით ხისტი ლოქდაუნი უკიდურესი ზომაა და მისი შემოღება სავალდებულო არ გახდება, თუ ევროკავშირის მოსახლეობის 95% დამცავ ნიღაბს ატარებს. ამის შესახებ ჯანმო-ს ევროპის განყოფილების ხელმძღვანელმა ჰანს კლიუგემ გააკეთა.

კლიუგეს თქმით, სასწავლებლების დაკეტვა არაეფექტური ზომა აღმოჩდა და ის მიიჩნევს, რომ ევროპაში დაწყებითი სკოლები მაინც, ჩვეულ რეჟიმში უნდა ფუნქციონირებდეს.

საფრანგეთსა და გერმანიაში დღეისათვის შეზღუდვების განმეორებითი მკაცრი რეჟიმი მოქმედებს. ბრიტანეთში კარანტინის შედარებით შემსუბუქებული ფორმა გამოაცხადეს.

ნიდერლანდებში პირიქით, კარანტინის შემსუბუქება დაიწყეს და მუზეუმების, კინოთეატრების, ბიბლიოთეკებისა და გასართობი დაწესებულებების მუშაობა დაუშვეს.

საფრანგეთში, მკაცრი ლოქდაუნის პირობებში, წინასაშობაოდ ნაძვის ხეებითა და საშობაო მორთულობებით ღია სივრცეებში ვაჭრობის ნებართვა გასცეს.