ბეტა-კაროტინის შემცველობა ამცირებს ფილტვის კიბოს გაჩენის რისკს. გარდა ამისა, კარალიოკი სასარგებლოა საყრდენ მამოძრავებელი დაავადებების და ანემიისა დროს. კარალიოკი უხვად შეიცავს კალიუმს, მაგნიუმს. სასარგებლოა იოდის დეფიციტის დროს, რადგან მასში საკმაო რაოდენობის იოდია.

კარალიოკი გარდა C და B ვიტამინებისა, მდიდარია ასევე A ვიტამინითაც, რომელიც ჩვენი მხედველობისთვის აუცილებელი კომპონენტია. ამგვარად, კარალიოკი კონიუქტივისა და მხედველობის პრობლემებისთვის ერთ-ერთი საუკეთესო საშუალებაა.

კარალიოკი ხელს უწყობს საჭმლის მონელებას, რადგან იგი მდიდარია საკვები უჯრედისით, რომელიც კუჭ-ნაწლავის სწორად მოქმედებისთვის არის საჭირო. ის შეიცავს დიდი რაოდენობით ვიტამინ В6-ს და ფოლიუმის მჟავას, რომლის წყალობითაც რეგულირდება საჭმლის მონელების პროცესი.

უამრავი ვიტამინის გარდა კარალიოკი გაჯერებულია ანტიოქსიდანტი ფლავანოიდებით, რომელიც ხელს უშლის დაბერების პროცესს. კარალიოკის კანი ყველაზე დიდი რაოდენობით ანტიოქსიდანტს შეიცავს.

კარალიოკი თავისი თვისებებით განსაკუთრებით სასარგებლოა გულის პრობლემების მქონე ადამიანებისთვის. მის ნაყოფში შემავალ შაქარს ორგანიზმი გულის კუნთის საკვებად იყენებს.

იგი შეიცავს იმ მიკროელემენტებს, რომლებიც ტვინის კვებისთვის არის საჭირო: თუთიას, კობალტს, ფოსფორს, ასევე, ასუფთავებს თავის ტვინის სისხლძარღვებს. კარალიოკი დაგეხმარებათ ათეროსკლეროზთან ბრძოლაში. ის ასევე გახლავთ ანტისტრესული საშუალება.

კარალიოკი ძლიერ შარდმდენ საშუალებად მიიჩნევა. მაგრამ აღსანიშნავია ის, რომ მხოლოდ მავნე ნივთიერებებს გამოდევნის და კალიუმის წყალობით არ გამოაქვს ორგანიზმიდან საჭირო მინერალები და ვიტამინები.

წყარო