"პარტიის თავმჯდომარეობაზე ჩემს კანდიდატურას აღარ დავაყენებ" - ბაქრაძე
მივიღე გადაწყვეტილება, რომ პარტიის მომდევნო ყრილობაზე არ დავაყენო კანდიდატურა პარტიის თავმჯდომარის პოსტზე, - ამის შესახებ ,,ევროპული საქართველოს" ლიდერმა დავით ბაქრაძემ განაცხადა.
ბაქრაძის თქმით, პარტიას და ოპოზიციურ სპექტრს მუდმივად სჭირდება განახლება, რაც მისი გადაწყვეტილების მიზეზი გახდა.
,,ევროპული საქართველოს" მომავალ ყრილობაზე, რომელიც გაიმართება არაუგვიანეს მაისისა, სადაც წესდებიდან გამომდინარე დადგება პარტიის თანამდებობის პირების არჩევის საკითხი, მე მივიღე გადაწყვეტილება, რომ არ დავაყენო კანდიდატურა პარტიის თავმჯდომარის პოსტზე. რატომ მივიღე ეს გადაწყვეტილება? პირველი, იმიტომ რომ პარტიას სჭირდება მუდმივი განახლება და დღეს, საზოგადოების დაკვეთაა, რომ პარტიაშიც და ოპოზიციურ სპექტრშიც მიმდინარეობდეს მუდმივი განახლება, გამოჩნდნენ ახალი სახეები და არ არსებობდნენ მუდმივი ლიდერები. მე ნამდვილად ვფიქრობ, რომ ,,ევროპულ საქართველოში" ჩემი 4-წლიანი თავმჯდომარეობა იყო წარმატებული და კარგი ამ პარტიისთვის. მაგრამ კიდევ 4 წლით დარჩენა უკვე იქნება ცუდი. ჩვენ უნდა მივეჩვიოთ, რომ სიტყვა ევროპული არ არის მხოლოდ პარტიის სახელი, ევროპულობა გულისხმობს შიდა კონკურენციას, მუდმივ განახლებას და მუდმივ როტაციას", - განაცხადა ბაქრაძემ.
სიახლეები
- ,,ველი კიდევ 3 წელს, 16 წელი მექნება სასჯელი - სერიულ მკვლელებს და პედოფილებს უსჯიან ამდენს"- მიხეილ სააკაშვილი
- ,,სხვას რომ ხმა ამოეღო, ჩემი შვილი არ მოკვდებოდა" - გიგა ავალიანის დედა პროკურატურის განცხადებას ეხმაურება
- ,,ჩვენი ქვეყანა ღიაა იმისათვის, რომ სუფთა ფურცლიდან მოხდეს საქართველოს და ამერიკის შეერთებულ შტატებს შორის ურთიერთობის დაწყება"- ზვიად შალამბერიძე
- ,,ჩვენი და ამერიკის თანხვედრა ღირებულებით ნაწილში, მსოფლმხედველობით ნაწილში, პოლიტიკურ ჭრილს ვგულისხმობ, ერთი-ერთში ემთხვევა”
- ,,როგორც ჩანს, ქალბატონმა ფონ დერ ლაიენმა, როგორც იქნა, რუკას დახედა და გაათვითცნობიერა ის, რომ საქართველო მართლაც საკვანძო ადგილზე იმყოფება” – ლევან მაჭავარიანი