მისი თქმით, ქვეყანაში ავტორიტარიზმი ძლიერდება და მას სურს ხელისუფლების მეოთხე შტოც მიითვისოს. 

"თქვენ იცავთ სიცოცხლის უფლებას, თქვენ იცავთ თავისუფალ სიტყვას. იმ უფლებებს, რაც თქვენთვის გარანტირებულია კონსტიტუციით, მაგრამ ეს უფლებები თქვენ შეგეზღუდათ. შეგეზღუდათ იმიტომ, რომ თქვენ დღეს წარმოადგენთ ბოლო ბასტიონს სახელმწიფო ინსტიტუტების ფუნქციონირების. ხელისუფლებაში არსებობს ხელისუფლების ოთხი შტო. სამი შტო უკვე ჩამოშლილია და ბოლო შტო, რომელიც ამ პოლიტიკურ-საზოგადოებრივ-პოლიტიკურ სისტემას ჯერ კიდევ აარსებებს და რაღაცა ფორმას აძლევს, პოლიტიკურ, საზოგადოებრივ პროცესს, ხართ თქვენ, მედია. შესაბამისად, თქვენს მიმართ განხორციელებული ძალადობრივი პოლიტიკა არის ძალიან მიზანმიმართული რომ გაჩერდეს, დადუმდეს მედია, იმისათვის, რომ ავტორიტარიზმი, რომელმაც ხელისუფლების სამივე შტო მიითვისა, ბოლომდე გაღრმავდეს და მეოთხე შტოც ხელისუფლებისა იყოს მითვისებული", - განაცხადა გიორგი მარგველაშვილმა.