10 დეკემბერს, რუსეთის საგარეო საქმეთა სამინისტრომ მოუწოდა ნატოს, რომ უკან წაიღოს 2008 წლის ბუქარესტის სამიტის გადაწყვეტილება, რომელიც უკრაინისა და საქართველოს ალიანსში შესაძლო სამომავლო გაწევრიანებას ითვალისწინებს.

ნატოს გენერალურმა მდივანმა იენს სტოლტენბერგმა უარყო რუსეთის მოთხოვნა და შეახსენა მოსკოვს, რომ ნატოში გაწევრიანების საკითხს მისი წევრი ქვეყნები და თავად უკრაინა წყვეტენ.

საქართველოს საგარეო საქმეთა სამინისტროსთვის მიუღებელია რუსეთის საგარეო საქმეთა სამინისტროს განცხადება.

ნატო-ში გაწევრიანება წარმოადგენს საქართველოს სუვერენულ გადაწყვეტილებას, რომელიც დაფუძნებულია საქართველოს მოსახლეობის უმრავლესობის ურყევ ნებაზე. აღნიშნული მიზანი ასახულია საქართველოს კონსტიტუციაშიც”, - აცხადებს სამინისტრო.