დიდი ბრიტანეთი რუსეთს ახალ სანქციებს უწესებს
დიდი ბრიტანეთის მთავრობამ რუსეთიდან ოქროს იმპორტი აკრძალა. უკრაინაში შეჭრის გამო, გაერთიანებული სამეფოს მიერ რუსეთისთვის დაწესებული ახალი სანქციები ეხება ქვანახშირს და ნავთობსაც. პირველის იმპორტი 10 აგვისტოდან აიკრძალება, მეორის კი - 31 დეკემბრიდან. იკრძალება ამ საქონლის ტექნიკური, ფინანსური და საშუამავლო მომსახურებაც.
წინა ჯერზე, 23 ივნისს, დიდი ბრიტანეთის მთავრობამ აკრძალა რუსეთისთვის საავიაციო საწვავის და ნავთობის გადამუშავებასთან დაკავშირებული საქონლის და ტექნოლოგიების და ეროვნული ვალუტის, გირვანქა სტერლინგის მიწოდება.
გაერთიანებულ სამეფოს სანქციები აქვს დაწესებული არაერთი რუსული კომპანიისთვისაც, ასევე, ხელისუფლების მაღალჩინოსნებისა და კრემლთან კავშირის მქონე ოლიგარქებისთვის.
სიახლეები
- ესპანეთში დედა სოციალური შეღავათის მისაღებად შვილების დაბრმავებას ცდილობდა – ქალი დაკავებულია
- ვის რამდენით ეზრდება პენსია
- ,,გახარია „ქართულ ოცნებას” ძალიან საეჭვო გარემოებებში ჩამოსცილდა"- გია ვოლსკი
- მოსკოვის სასამართლომ უკრაინაში მებრძოლ ქართველს 28 წლით თავისუფლების აღკვეთა დაუსწრებლად მიუსაჯა
- ცვლილება მათთვის, ვინც მაღაზიებში საბანკო ბარათით იხდის