"ნიკანორ მელია, „ონჯღორე სი“! ხაბეს და მისი დაჯგუფების ასაყირავებელი რომ გახდები, ახია შენზე!"- ირაკლი ზარქუა
ნიკანორ მელია, ხაბეს და მისი დაჯგუფების ასაყირავებელი რომ გახდები, ახია შენზე და იმსახურებ ამას ყველაფერს, - ამის შესახებ “ქართული ოცნების“ წევრი ირაკლი ზარქუა „ფეისბუქის“ საკუთარ გვერდზე წერს, რითაც ეხმაურება „ნაციონალური მოძრაობის“ წევრთა ნაწილის მოთხოვნას პარტიის თავმჯდომარის და პოლიტსაბჭოს არჩევნების ჩატარების შესახებ.
ირაკლი ზარქუა მიიჩნევს, რომ პოლიტიკა უპრინციპოების და უთავმოყვარეების თავშესაფარი არ არის.
„ნიკანორ მელია - ონჯღორე სი! ხაბეს და მისი დაჯგუფების ასაყირავებელი რომ გახდები! ახია შენზე და იმსახურებ ამას ყველაფერს! 2012 წლის მერე, იმ კასრების ფაილების ნახვის შემდეგ, სადაც უამრავ დანაშაულებთან და სისაძაგლესთან ერთად, მსოფლიომ ნახა როგორ ედგათ ნარები მწვალებელთა პარტიას და იქ ადამიანებს რას უშვრებოდნენ და ამ საშინელებების ჩასადენად სამეგრელო ჰქონდათ შერჩეული! სამეგრელო, რომელიც თავისი კულტურით, ტრადიციით, ისტორიით, ბრძენი ხალხით, სტუმარ- მასპინძლობით და ვაჟკაცობით გამორჩეული კუთხეა! ამ კადრების და ამ ფაქტის ნახვის მერე როგორ შეგეძლო ზუგდიდელ კაცს, ამ მწვალებლებთან რამე საერთო გქონოდა?! რამე შეხებაში ყოფილიყავი „ნაციონალურ მოძრაობასთან’?! ამიტომაც ღირსი ხარ, რომ ხაბეს გადაყენებული დაგერქვას შენ და ასე გაბრძანდე ქართული პოლიტიკიდან! უპრინციპოების და უთავმოყვარეების თავშესაფარი არ არის პოლიტიკა", - წერს ზარქუა.
შეგახსენებთ, „ნაციონალური მოძრაობის“ წევრების ნაწილი შიდაპარტიული არჩევნების ჩატარებას ითხოვს. კერძოდ, პარტიის ერთ-ერთი ლიდერი ირაკლი ნადირაძე და რეგიონული ორგანიზაციების წარმომადგენლები მოითხოვენ, პარტიის პოლიტსაბჭო და სამდივნო ხელახლა დაკომპლექტდეს და ახალი თავმჯდომარე აირჩეს.
სიახლეები
- ,,სისხლიანი რეჟიმის შემოქმედები გამოდიან და საუბრობენ, რომ სურთ ხელისუფლებაში დაბრუნება"- შალვა პაპუაშვილი
- პროკურატურამ 16 საბავშვო ბაღის მშენებლობისთვის გამოყოფილი დიდი ოდენობით თანხის, სამსახურებრივი გულგრილობისა და ყალბი დოკუმენტის დამზადება-გამოყენების ფაქტებზე 9 პირს ბრალდება წარუდგინა
- ,,ძლიერმა პოლიტიკამ და საზოგადოების მზარდმა ნდობამ რწმენა განამტკიცა ქართული ფულადი ერთეულის – ლარისადმი"- ირაკლი კობახიძე
- ,,ბრიტანეთიც იზიარებს იმ შეშფოთებას, რაც ჩვენ გაგვაჩნია, მაგრამ საქართველო მათ სხვა მიზნით სჭირდებათ"- გიორგი ვოლსკი
- ახალშობილი, რომელიც ბათუმში, სანიტარმა კლინიკის საპირფარეშოში გააჩინა, შემდეგ კი დაზიანებები მიაყენა, გარდაიცვალა