"კანონის წინაშე ყველა თანასწორია, ერთხელ და სამუდამოდ კანონის უზენაესობას უნდა შევეჩვიოთ, სააკაშვილი პოლიტპატიმარი არ არის" - ანა ბუჩუკური
კანონის წინაშე ყველა თანასწორია, ერთხელ და სამუდამოდ კანონის უზენაესობას უნდა შევეჩვიოთ, სააკაშვილი პოლიტპატიმარი არ არის, – ამის შესახებ პარტია „საქართველოს“ წევრმა, ანა ბუჩუკურმა განაცხადა.
ბუჩუკურს მიხეილ სააკაშვილის შეწყალების საკითხზე დაუსვეს კითხვა.
„პრეზიდენტმა მიხეილ სააკაშვილის შეწყალების საკითხზე მკაფიო უარი თქვა, თუმცა მისმა საერთაშორისო ინტერვიუებმა მისი მკვეთრი პოზიცია ცოტა ბუნდოვანი გახადა. იმ შემთხვევაში, თუ მიხეილ სააკაშვილს შეიწყალებს, განსაკუთრებით წინასაარჩევნოდ, ეს პერსონალურად ბიძინა ივანიშვილისთვის უდიდესი საჩუქარი იქნება. არ მსიამოვნებს, რომ ქვეყანას ისეთი პრეზიდენტი ჰყავდა, რომელიც დანაშაულებთან არის კავშირში, მაგრამ კანონის წინაშე ყველა თანასწორია და არანაირი მნიშვნელობა არ აქვს, პრეზიდენტია, დეპუტატი თუ ასე შემდეგ. ამ ქვეყანაში ერთხელ და სამუდამოდ კანონის უზენაესობას უნდა შევეჩვიოთ – კანონი ყველასთვის კანონი უნდა იყოს. რა თქმა უნდა, სააკაშვილი პოლიტპატიმარი არ არის, სტრასბურგის სასამართლოს გადაწყვეტილებებს გადახედეთ. არცერთ პატიმარს არ მისცემენ იმის საშუალებას, რომ სასამართლოს სხდომაზე ყველაზე და ყველაფერზე იჭორაოს, სისხლის სამართლის საქმის გარდა. იმის ნაცვლად, რომ სააკაშვილი კონკრეტულ საქმეებზე თავს იმართლებდეს, სხვა პატიმრებისგან განსხვავებით, ხელისუფლება საათობით დროს აძლევს, რომ პარტიული კამპანია და თათბირები ატაროს“, – განაცხადა ანა ბუჩუკურმა.
სიახლეები
- აშშ რუსეთს ადანაშაულებს უკრაინელი სამხედროების წინააღმდეგ ქიმიური იარაღის გამოყენებაში
- "ბიძინა ივანიშვილის მიერ ორი დღის წინ გაკეთებული განცხადებები ჩვენი პარტნიორებისთვის ომის გამოცხადებაა - ის, რაც მიუღებელია მოსახლეობისთვის, მიუღებელია პრეზიდენტისთვის'' - სალომე ზურაბიშვილი
- დღეს ტაძრებში დიდი ხუთშაბათის მსახურება შესრულდება
- დღეს პარლამენტში დაგეგმილი ბიუროს და პლენარული სხდომები არ გაიმართება - შენობაში 14:00 საათამდე უსაფრთხოების წითელი დონე იმოქმედებს
- "საქართველო ევროკავშირის კანდიდატი ქვეყანაა და მის ხელისუფლებას მოვუწოდებ, რომ მშვიდობიანი შეკრების უფლება უზრუნველყოს " - ჯოზეფ ბორელი