"ძალიან კარგად გვახსოვს, როგორ შემოიპარა მიხეილ სააკაშვილი არაჟნების კონტეინერით, მისი ამ ქმედებით პირდაპირ დაირღვა საქართველოს სახელმწიფო საზღვარი" - დავით მათიკაშვილი
ჩვენ ძალიან კარგად გვახსოვს როგორ შემოიპარა მიხეილ სააკაშვილი საქართველოში არაჟნების კონტეინერით - მისი ამ ქმედებით პირდაპირ დაირღვა საქართველოს სახელმწიფო საზღვარი და მისი კვეთის ლეგალურობა, ანუ სსკ-ით გათვალისწინებული ქმედება - სასამართლომ ამის სწორი სამართლებრივი შეფასება მოახდინა, - ამის შესახებ „ქართული ოცნების“ დეპუტატმა, დავით მათიკაშვილმა ჟურნალისტებთან განაცხადა.
მისი თქმით, ყველა განცხადება, რაც ამ თემასთან დაკავშირებით ოპოზიციის მხრიდან ისმის, მხოლოდ და მხოლოდ ფაქტების დამახინჯების და ცრუ ინფორმაციის საზოგადოებისთვის თქმის საფუძველია.
„ჩვენ ძალიან კარგად გვახსოვს როგორ შემოიპარა მიხეილ სააკაშვილი საქართველოში არაჟნების კონტეინერით, როგორ ჩატარდა სპეცოპერაცია - მაღალი ალბათობით სხვა ქვეყნის დახმარებით. რა ძნელად წარმოსადგენია, რომ ასე ჩუმად გადმოეკვეთა ის ქვეყანა სააკაშვილს და ასე ჩუმად შემოპარულიყო საქართველოში თუკი იმ ქვეყნიდან ცალკეული ნება არ იქნებოდა. მაგრამ აქ მთავარი და მნიშვნელოვანი ის არის, რომ მისი ამ ქმედებით პირდაპირ დაირღვა საქართველოს სახელმწიფო საზღვარი და მისი კვეთის ლეგალურობა, ანუ სისხლის სამართლის კოდექსით გათვალისწინებული ქმედება და სასამართლომ ამის სწორი სამართლებრივი შეფასება მოახდინა. შესაბამისად, ყველა განცხადება, რაც ამ თემასთან დაკავშირებით რადიკალური ოპოზიციის მხრიდან ისმის, მხოლოდ და მხოლოდ ფაქტების დამახინჯების და ცრუ ინფორმაციის საზოგადოებისთვის თქმის საფუძველია. აქ ჩვეულებრივ დანაშაულს აქვს ადგილი. ამ საკითხს კიდევ რა მიზნები ჰქონდა - რატომ შემოიპარა არჩევნების დროს და რა მიზნით გადაკვეთა სახელმწიფო საზღვარი უკანონოდ, ეს კიდევ ცალკე საკითხია. აქ „გლობალური ძალების” ხელი ურევია იმისთვის, რომ ჩვენს ქვეყანაში არეულობა მომხდარიყო, არალეგალურად შეცვლილიყო ხელისუფლება, ზემოქმედება მოეხდინათ ქართველი ხალხის ნებაზე და შემდგომ ჩაერთოთ იმ გლობალურ პროცესებში, რაც უკრაინაში ომის დაწყებით გამოიხატა. საქართველოს ის როლი უნდა შეესრულებინა, რაც გლობალური ომის პარტიას სურდა - ჩართულიყო ომში”, - განაცხადა მათიკაშვილმა.
სიახლეები
- ,,ჩვენ არ მოგვწონს ბრიუსელის ქმედება თბილისთან მიმართებით, ჩვენ გვსურს, რომ ევროკავშირმა სამართლიანად იმოქმედოს, ორმაგი სტანდარტების გარეშე"- პიტერ სიიარტო
- ,,სამწუხაროდ, ევროპარლამენტი და ევროპის საბჭოს საპარლამენტო ასამბლეა საქართველოს სათანადოდ არ ეპყრობიან"- მევლუთ ჩავუშოღლუ
- კახეთის პოლიციამ ნარკოდანაშაულისთვის 3 პირი დააკავა
- ტრამპმა 2020 წლის საპრეზიდენტო არჩევნებზე სავარაუდო გაყალბების გამოძიების განკარგულება გასცა
- ,,ჩვენი მთავარი პრიორიტეტია, გავხდეთ ევროკავშირის წევრი სახელმწიფო"- ირაკლი კობახიძე