"გვჭირდება გრძელვადიანი, კარგად გათვლილი სტრატეგია იმისთვის, რომ მაქსიმალურად შევამციროთ ნარკომომხმარებელთა რაოდენობა"- ვლადიმერ ბოჟაძე
„გვჭირდება გრძელვადიანი, კარგად გათვლილი სტრატეგია იმისთვის, რომ მაქსიმალურად შევამციროთ ნარკომომხმარებელთა რაოდენობა. განსაკუთრებით მნიშვნელოვანია ამ თვალსაზრისით კანონის გამკაცრება ნარკორეალიზატორებთან მიმართებით“, – ამის შესახებ გარემოს დაცვისა და ბუნებრივი რესურსების საპარლამენტო კომიტეტის თავმჯდომარემ, ვლადიმერ ბოჟაძემ „ქართული ოცნების“ მიერ ინიციირებულ საკანონმდებლო პაკეტზე განაცხადა, რომელიც ქვეყანაში არსებული ნარკოპოლიტიკის გამკაცრებას ითვალისწინებს.
მისი თქმით, შეიქმნება პროგრამები, რომელიც დაეხმარება ნარკოდამოკიდებულ ადამიანებს დაუბრუნდნენ ცხოვრების ჯანსაღ წესს.
„იცით, რომ ნარკოდამოკიდებულება ერთ-ერთი მთავარი პრობლემა და გამოწვევაა ჩვენს ქვეყანაში. სამწუხაროდ ათიათასობით ადამიანია, რომლებიც ნარკოტიკს მოიხმარს. გვჭირდება გრძელვადიანი, კარგად გათვლილი სტრატეგია იმისთვის, რომ მაქსიმალურად შევამციროთ ნარკომომხმარებელთა რაოდენობა. განსაკუთრებით მნიშვნელოვანია ამ თვალსაზრისით კანონის გამკაცრება ნარკორეალიზატორებთან მიმართებით. იცით, რომ დაზუსტდება დოზები, სხვა რეგულაციები ამ მიმართულებით, თუმცა მეორეს მხრივ, გაგრძელდება ყველა ის პროგრამა და დამატებით შეიქმნება პროგრამები, რომელიც დაეხმარება ნარკოდამოკიდებულ ადამიანებს დაუბრუნდნენ ცხოვრების ჯანსაღ წესს. ჩვენ ვიქნებით მკაცრები და დაუნდობლები სწორედ ნარკორეალიზატორების მიმართ და არა – ნარკომომხმარებლების“, – აღნიშნა ბოჟაძემ.
სიახლეები
- ,,ამოღებულია განსაკუთრებით დიდი ოდენობით ნარკოტიკული საშუალება „ტეტრაჰიდროკანაბინოლი“ და ,,გამომშრალი მარიხუანა” – შსს-მ 2 პირი დააკავა
- საქართველოს საგარეო საქმეთა სამინისტრო, ლაშა დარსალიასა და აშშ-ის სახელმწიფო მდივნის თანაშემწეს შორის გამართული შეხვედრის შესახებ ინფორმაციას ავრცელებს
- ,,ოთხი თვე გავიდა საქართველოს პრეზიდენტის სასახლეზე განხორციელებული ძალადობრივი შტურმიდან"- შალვა პაპუაშვილი
- დაკავებულია „ქურდულ სამყაროსთან” კავშირში მყოფი 45 პირი
- მეცნიერებმა კიბოს ყველაზე აგრესიული ტიპის კვლევაში მნიშვნელოვანი შედეგები მიიღეს