,,ოპოზიციას კრიტიკულად აკლია თანხები და ევროპა ნელა მოქმედებს"- სალომე ზურაბიშვილი
საქართველოს ყოფილი პრეზიდენტის, სალომე ზურაბიშვილისა და ყოფილი სახალხო დამცველის, უჩა ნანუაშვილის ხმაურიანი აუდიოჩანაწერი სოციალურ ქსელში გუშინ გავრცელდა.
საუბარია ჩანაწერზე, რომელშიც ზურაბიშვილს და ნანუაშვილს რუსი პრანკერები გარი კასპაროვისა და პეტრო პოროშენკოს სახელით დაუკავშირდნენ.
ყოფილმა პრეზიდენტმა პრანკერებს უთხრა, რომ “ოპოზიციას კრიტიკულად აკლია თანხები და ევროპა ნელა მოქმედებს”.
როგორც პრანკერები იტყობინებიან, ისინი ზურაბიშვილს, გარი კასპაროვის სახელით, პირად ფინანსურ დახმარებას და ამერიკის მთავრობისთვის ინფორმაციის გადაცემას დაჰპირდნენ, რაზეც ექსპრეზიდენტმა უპასუხა, რომ USAID-ისა და ევროპული ფონდებისგან შეჩერებული დაფინანსების შემდეგ, საპროტესტო აქტივობის გასაგრძელებლად, განსაკუთრებულ დახმარებას საჭიროებს მედია და არასამთავრობო სექტორი, რომლის ნაწილმაც ანგარიშები სხვა ქვეყნებში გახსნა.
ამასთან, უჩა ნანუაშვილმა პრანკერებთან საუბრისას პარალელი გაავლო მაიდნის მოვლენებთან და არაოფიციალური შეიარაღებული დაჯგუფებები ახსენა.
სალომე ზურაბიშვილთან და უჩა ნანუაშვილთან პრანკერების ზარის შესახებ ვიდეომასალა გუშინ ღამით გავრცელდა.
სიახლეები
- ,,ამოღებულია განსაკუთრებით დიდი ოდენობით ნარკოტიკული საშუალება „ტეტრაჰიდროკანაბინოლი“ და ,,გამომშრალი მარიხუანა” – შსს-მ 2 პირი დააკავა
- საქართველოს საგარეო საქმეთა სამინისტრო, ლაშა დარსალიასა და აშშ-ის სახელმწიფო მდივნის თანაშემწეს შორის გამართული შეხვედრის შესახებ ინფორმაციას ავრცელებს
- ,,ოთხი თვე გავიდა საქართველოს პრეზიდენტის სასახლეზე განხორციელებული ძალადობრივი შტურმიდან"- შალვა პაპუაშვილი
- დაკავებულია „ქურდულ სამყაროსთან” კავშირში მყოფი 45 პირი
- მეცნიერებმა კიბოს ყველაზე აგრესიული ტიპის კვლევაში მნიშვნელოვანი შედეგები მიიღეს