"ქართული ოცნების" მთავრობის პრემიერ-მინისტრი ირაკლი კობახიძე დღეს, 27 მაისს, მედიასთან საუბარში გამოეხმაურა „ვაიმარის სამკუთხედის“ წევრი ქვეყნების - გერმანიის, პოლონეთისა და საფრანგეთის - ლიდერების ერთობლივ განცხადებას საქართველოს დამოუკიდებლობის დღეს, რომელშიც გამოხატულია ქართველი ხალხის ევროპული მისწრაფებებისადმი მხარდაჭერა და დაგმობილია საქართველოს ხელისუფლების ქმედებები, რომლებმაც დემოკრატიის უკუსვლა გამოიწვია.