წითლიძე გიორგი ვაშაძის წერილს გამოეხმაურა, სადაც ის ოპოზიციას, სალომე ზურაბიშვილის ხელმძღვანელობით, „წინააღმდეგობის პლატფორმის“ და თვითმმართველობის არჩევნებში არმონაწილე 8 პარტიის ბაზაზე, საერთო სახელით, გაერთიანებას სთავაზობს.

„ყველაზე მთავარი არის ის, რომ ადამიანები ოპოზიციაში – ეს გამოჩნდა გახარიასა და „ლელოს“ პოზიციებში – მზად არიან იმისთვის, რომ სისტემური ოპოზიცია იყვნენ. მზად არიან იმისთვის, რომ შეეგუონ ამ რეჟიმს და რეჟიმთან იყოს 2-3 საკრებულოს წევრზე ვაჭრობა. ჩვენ ასე არ ვუყურებთ, ვთვლით, რომ რეჟიმთან თანამშრომლობა არ შეიძლება და მისი დამარცხება არის უმნიშვნელოვანესი“, – განაცხადა ანა წითლიძემ.