„თვითმმართველობის არჩევნებში, კონსულტაციების საფუძველზე, ერთობლივად, კოალიციურად მივიღებთ მონაწილეობს „ქართულ ოცნებასთან“ ერთად. სხვადასხვა მუნიციპალიტეტებში, საკრებულოებში ჩვენი პოლიტიკური ორგანიზაცია იქნება წარმოდგენილი, როგორც პარლამენტში ვართ წარმოდგენილი, ასევე მუნიციპალურ დონეზე.

დარწმუნებული ვარ, რომ ისინი, რომლებიც არიან შერჩეული თბილისის საკრებულოს კანდიდატებად, იქნებიან წარმატებულები. უმეტესმა მათგანმა ძალიან კარგად იცის თბილისის და ნებისმიერი უბნის ინფრასტრუქტურული პროექტები, განათლების, სოციალური, კულტურული, ნებისმიერი მიმართულებები. თავიანთი უბნების ამომრჩევლების სატკივარი და აქედან გამომდინარე, დარწმუნებული ვარ, რომ სამაჟორიტაროში ყველა მათგანს ექნება წარმატება“, – განაცხადა მაჭარაშვილმა.