„როდესაც ნებისმიერ დემოკრატიაში არის პოლიტიკური პარტიები, რომლებიც არიან რადიკალიზმის, კონსტიტუციური წყობილების დამხობის, დემოკრატიისთვის ძირის გამოთხრის ფლაგმანები, ნებისმიერი დემოკრატიის ვალდებულებაა, როგორც თავდაცვისუნარიანმა დემოკრატიამ ამგვარი რადიკალური პარტიების მიერ დემოკრატიული სივრცით სარგებლობა შეზღუდოს. ამიტომ, ნებისმიერი დემოკრატიის ვალდებულებაა რეაქცია რადიკალიზმზე. შესაბამისად, იმ შემთხვევაში, თუკი ეს სამი პარტია, რომელთან დაკავშირებითაც მივმართეთ საკონსტიტუციო სასამართლოს, აიკრძალება, ამის შედეგი იქნება დერადიკალიზაცია ქართული პოლიტიკის და ეს იქნება შესაძლებლობა, რომ შეიქმნას დემოკრატიული სივრცე იმისთვის, რომ ყველა აზრი, იდეა, გამოთქმული იქნეს დემოკრატიული სივრცის შესაბამისი სახით და არა რადიკალური, ექსტრემისტული და ვხედავთ ჩვენ, მათ შორის, ტერორისტული მიდრეკილებების მქონე ჯგუფებისგან“.