პაპუაშვილის თქმით, “ის ბიუროკრატები, რომლებიც ფიქრობენ, რომ საქართველოს გვერდის ავლით და საქართველოს ვერ დანახვით რაიმეს შეძლებენ, გეოგრაფიასთან კიდევ ერთხელ დამარცხდებიან“.

“საუკუნეები ასეა - აბრეშუმის გზამ აქ ტყუილად კი არ გაიარა... გაიარა იმიტომ, რომ მაშინაც, ისევე როგორც ახლა, ეს იყო ყველაზე მოკლე და ყველაზე უსაფრთხო დამაკავშირებელი გზა ევროპასა და აზიას შორის. ზოგიერთი ბიუროკრატი გეოგრაფიაში ვერ ერკვევა. როგორც ამის წინ ერთ-ერთ სიუჟეტში ვნახეთ, მათ შორის საფრანგეთის ევროპის საქმეთა მინისტრმა ირანი რუკაზე ვერ მოძებნა. ასევე ვერ მოძებნიან ხოლმე თუ სად არის საქართველო. ზოგიერთ ევროპელ ბიუროკრატს ჰგონია, რომ საქართველოს შეიძლება თავზე გადაახტე და ევროპა აზიას ისე დააკავშირო - გეოგრაფიასთან ჭიდილი ჯერ არავის მოუგია“, - განაცხადა შალვა პაპუაშვილმა.