მისი თქმით,  შეხვედრაზე გამოსულ ხალხს ახალი სახეების ხილვისას და მათი მოსმენისას იმედი მიეცათ და ბრძოლის სურვილი გაუჩნდათ, რადგან ამდენი ტყუილი დაპირებით უკვე ყველა გადაიღალა.

„ჩვენთან უიმედოდ გამოსული ხალხი იმედიანად წავიდა და ამან ძალიან გამახარა. ყველას თვალებში იკითხებოდა გულგატეხილობა, უნდობლობა, პრობლემები.. წარმოიდგინეთ, რას უსვამენ ხაზს – ამბობენ, რომ გზებია პრობლემა, რომ წვიმის დროს ნიაღვრები ჩამოდის და ა.შ…. ეს ხომ ელემენტარულად მოსაგვარებელია?! დაიღალნენ ეს ადამიანები ერთ წრეზე 30 წლის განმავლობაში ტრიალით, მაგრამ ახლა ახალი სახეები, ახალი სისხლი რომ დაინახეს, მიხვდნენ, რომ შესაძლოა, საქართველოსაც ეშველოს რაღაც. ჩვენი პოლიტიკური მოძრაობა კი ყველაფერს გააკეთებს ამისთვის“, – აღნიშნა გიორგი შერვაშიძემ.

(NS)