"ძვირფასო მიშიკო, რატომ აღელდი, რისთვის გჭირდება შენი პარტიის გამარჯვება საქართველოში?" - ჟირინოვსკი
რუსეთის „ლიბერალ-დემოკრატიული პარტიის“ ლიდერი ვლადიმერ ჟირინოვსკი საქართველოს ყოფილ პრეზიდენტს მიხეილ სააკაშვილს მიმართავს და მოუწოდებს, შეწყვიტოს არჩევნებში მონაწილეობა.
ამის შესახებ „სპუტნიკი“ იუწყება.
„ძვირფასო მიშიკო! რატომ აღელდი ასე. რისთვის გჭირდება შენი პარტიის გამარჯვება საქართველოში? იქ უკვე ისედაც ცუდია: აფხაზეთი თქვენი აღარ არის, სამხრეთ ოსეთი თქვენი აღარ არის, მალე დაკარგავთ ბათუმს, ჩაგითრევენ კავკასიის დიდ ომში. შენ, მიშიკო, გჭირდება მშვიდი ცხოვრება, ისედაც აღელვებული ხარ“, - წერს ჟირინოვსკი „ტელეგრამის“ საკუთარ გვერდზე.
ჟირინოვსკი საქართველოს ექსპრეზიდენტს სთავაზობს, ჩავიდეს მოსკოვში, ეწვიოს საუკეთესო ქართულ რესტორანს და მიირთვას ხინკალი, დალიოს ქართული ღვინო, შემდეგ კი წავიდეს იანუკოვიჩთან.
„და კმარა უკვე კვნესა და არჩევნებში მონაწილეობა. თქვენ უკვე ისედაც ყველაფერი გააფუჭეთ: კიევშიც, თბილისშიც და მინსკშიც. მოდით წყნარად, მშვიდად ვიაროთ სოკოებზე, აბანოში, როგორც ეს ლუკაშენკოს უყვარს და ნაკლებად ვიბუზღუნოთ, რომ ეს ის ეკონომიკა და დემოკრატია არაა. ეს თქვენ არ გამოგივიდათ არაფერი, ახალი თაობა კი ყველაფერს გააკეთებს, მაგრამ თქვენს გარეშე. კმარა ხალხის გასულელება“, - წერს ჟირინოვსკი.
სიახლეები
- ,,ველი კიდევ 3 წელს, 16 წელი მექნება სასჯელი - სერიულ მკვლელებს და პედოფილებს უსჯიან ამდენს"- მიხეილ სააკაშვილი
- ,,სხვას რომ ხმა ამოეღო, ჩემი შვილი არ მოკვდებოდა" - გიგა ავალიანის დედა პროკურატურის განცხადებას ეხმაურება
- ,,ჩვენი ქვეყანა ღიაა იმისათვის, რომ სუფთა ფურცლიდან მოხდეს საქართველოს და ამერიკის შეერთებულ შტატებს შორის ურთიერთობის დაწყება"- ზვიად შალამბერიძე
- ,,ჩვენი და ამერიკის თანხვედრა ღირებულებით ნაწილში, მსოფლმხედველობით ნაწილში, პოლიტიკურ ჭრილს ვგულისხმობ, ერთი-ერთში ემთხვევა”
- ,,როგორც ჩანს, ქალბატონმა ფონ დერ ლაიენმა, როგორც იქნა, რუკას დახედა და გაათვითცნობიერა ის, რომ საქართველო მართლაც საკვანძო ადგილზე იმყოფება” – ლევან მაჭავარიანი