"გადათვლა ისე ვეღარ უშველის ამ საკითხს, როგორც მიცვალებულს რეანიმაცია" - ნათელაშვილი
შეერთებული შტაების ელჩის რეზიდენციაში მიმდინარე შეხვედრა შალვა ნათელაშვილმა უკვე დატოვა და მედიასთან მცირე კომენტარი გააკეთა.
მისი თქმით, ოპოზიცია ითხოვს ხელახალ არჩევნებს და არ შედის პარლამენტში.
ნათელაშვილის განცხადებით, ამ შედეგების აღიარება, ისევე გამორიცხულია როგორც საკუთარი ყურების უსარკოდ ნახვა.
"მე ცოტა ადრე გამოვედი, თუმცა შეხვედრა გრძელდება. ასეთი ერთიანი როგორიც ქართული ოპოზიცია როგორიც ახლა არის, მე არ მინახავს და ვერც წარმოვიდგენდი. არჩევნები უნდა ჩატარდეს ხელახლა, 2 თვეში და გადათვლა ისე ვეღარ უშველის ამ საკითხს, როგორც მიცვალებულს რეანიმაცია. ელჩები ახდენენ შუამავლობას და ცდილობენ, რომ მონაწილეთა პოზიციები დააახლოვონ ერთმანეთს. ოპოზიცია პარლამენტში არ შედის და ითხოვს ახალ არჩევნებს.
ცივ ქვაზე რომ დავრჩეთ, საერთოდ მშივრები რომ ვიყოთ, ჩამოვივლით თითო-თითო ოჯახს და ყოველდღე თითო ოჯახი გვაჭმევს პურს, წავალთ ამაზე. არ გვჭირდება არავითარი დაფინანსება. ჩვენ გვჭირდება ქვეყნისთვის ჯანსაღი საარჩევნო სისტემა, სადაც ვერავინ მოისყიდის, ვერავინ დააძალებს, ცხოვრებას და არსებობას ექნება აზრი. ამ შედეგების აღიარება, ისევე გამორიცხულია როგორც საკუთარი ყურების უსარკოდ ნახვა. ქუჩის აქციების მოხსნა არ მოხდება, სანამ არ გამოცხადდება ხელახალი არჩევნები," - განაცხადა შალვა ნათელაშვილმა.
სიახლეები
- ,,ველი კიდევ 3 წელს, 16 წელი მექნება სასჯელი - სერიულ მკვლელებს და პედოფილებს უსჯიან ამდენს"- მიხეილ სააკაშვილი
- ,,სხვას რომ ხმა ამოეღო, ჩემი შვილი არ მოკვდებოდა" - გიგა ავალიანის დედა პროკურატურის განცხადებას ეხმაურება
- ,,ჩვენი ქვეყანა ღიაა იმისათვის, რომ სუფთა ფურცლიდან მოხდეს საქართველოს და ამერიკის შეერთებულ შტატებს შორის ურთიერთობის დაწყება"- ზვიად შალამბერიძე
- ,,ჩვენი და ამერიკის თანხვედრა ღირებულებით ნაწილში, მსოფლმხედველობით ნაწილში, პოლიტიკურ ჭრილს ვგულისხმობ, ერთი-ერთში ემთხვევა”
- ,,როგორც ჩანს, ქალბატონმა ფონ დერ ლაიენმა, როგორც იქნა, რუკას დახედა და გაათვითცნობიერა ის, რომ საქართველო მართლაც საკვანძო ადგილზე იმყოფება” – ლევან მაჭავარიანი