"დასავლეთის ყველაზე დიდი შეცდომა საკუთარი სტანდარტით მიდგომაა რუსეთთან" - გია ხუხაშვილი
სანქციებს, რომლებიც მსოფლიოს ქვეყნებმა რუსეთს, უკრაინის მიმართ განხორციელებული ქმედებების გამო დაუწესეს, არასაკმარისად მიიჩნევს ანალიტიკოსი გია ხუხაშვილი.
ხუხაშვილი ამბობს, რომ მიღებული სანქციები რუსეთისათვის როგორც სადამსჯელო, ეფექტური ვერ იქნება და დასავლეთის შეცდომა რუსეთთან დასავლური სტანდარტებით მიდგომაა.
„დასავლეთის მხრიდან ვინც იცნობს რუსეთის ბუნებას, იცის, რომ მიღებული სანქციები, როგორც შემაკავებელი ვერ იქნება ეფექტური და როგორც სადამსჯელო არასაკმარისია.
თუ გათვლაა რუს ხალხზე - ისტორიულად გაჭირვების გამო მათი აგრესიის ვექტორი ყოველთვის მიიმართება გარე მტრების და არა საკუთარი ხელისუფლებისკენ.
თუ გათვლაა რუსული ფინანსური ელიტის უკმაყოფილებაზე, ესეც ილუზიაა, რადგან ეს ხალხი მთლიანად ინტეგრირებულია ხელისუფლებაში და შესაბამისად პოლიტიკურად აბსოლუტურად კონტროლირებადი.
დასკვნა - დასავლეთის ყველაზე დიდი შეცდომა საკუთარი სტანდარტით მიდგომაა რუსეთთან,“- წერს გია ხუხაშვილი.
შეგახსენებთ, რუსეთის პრეზიდენტმა უკრაინის კუთვნილი ტერიტორიები ლუგანსკი და დონეცკი ე.წ. დამოუკიდებელ რესპუბლიკებად აღიარა, რასაც დასავლეთის მხრიდან მკაცრი სანქციები მოჰყვა.
სიახლეები
- "მოვუწოდებ სახელმწიფო თანამდებობებზე მყოფ ნებისმიერ პირს, მათ შორის ჩემ დროს დანიშნულს, გააკეთოს სწორი არჩევანი"- მიხეილ სააკაშვილი
- "დარწმუნებული ვარ, ყველა სირთულე, რაც ევროკავშირის განვითარებასთან და საქართველო-ევროკავშირის ურთიერთობებთანაა დაკავშირებული, გადაილახება" - პრემიერი
- "აუცილებლად იქნება ევროპის დღე საქართველოსთვის და ევროპის დღე ბელარუსისთვის" - ზელენსკი
- " ვხედავთ ძალადობას: ოპონენტების ცემა, დაშინება, დემონსტრაციების დარბევა, რეპრესიები და სხვა სასტიკი მეთოდები, ამას არაფერი აქვს საერთო ევროპასთან"
- დღეს, აქცია-პერფორმანსი "გზავნილი ქუთაისიდან" - კი ევროპას! არა რუსულ კანონს!" გაიმართა